TENTASAUN IHA KOMPROMISU?

“Mai Ita hahi Nai Maromak! Nia mak iha kbiit hodi kuidadu imi para imi labele monu.
Maromak forsa teb-tebes mak bele lori imi ba iha nia futar oin. Imi nia sala uitoan mos la iha ona”
Judas 1:24

Hili belun ho matenek. Hili ida nebe bele respeita o nia valor sira; Selae, o sei hetan presaun hodi kumpri o nia kompromisu rasik tamba deit o hakarak o nia amizade metin nafatin. Ida nee mak presu nebe o tenke selu! Jose dehan LAE ba nia chefe nia ferikoan nebe hakarak halo relasaun seksual ho nia, no iha lisaun importante tebes ba ita liu husi historia ida nee. Sei iha ema nebe sei hanehan tombol sira no buka ita nia frakeza hodi lori ita ba halo tuir sira nia hakarak. Se bainhira sira konsege hare ita nia frakeza maka sira sei ataka ita duke fo valor ba ita ou respeito ita.
Saida mak o tenke halo? Husu ajuda ba Nai Maromak! Nia ‘sei la husik o hasoru tentasaun nebe boot liu fali saida mak o bele halo, maibe liu husi tentasaun sira nee o sei iha forsa hodi bele hasoru no liu tentasaun sira hotu’. (I Korintus 10:13). Bainhira ema ruma koko hodi hadia nia karakter, Maromak promote “hodi buka solusaun” Tan nee o labele desiste ba tentasaun. Mezmu o nia desizaun nee sei lori o ba kastigu, ou sei halo ema la gosta o, ou hapara o, husu Nai Maromak hodi fo ba o korajen atu halo buat neebe loos. Nia promesa ba o mak; “Ema nebe fo honra mai Hau, nia sei simu honra mos” (I Samuel 2:30).
Hanoin didiak, diak liu mesak deit no lao hamutuk ho Maromak duke desiste ba tentasaun, kontra Maromak nia liafuan no la iha kompromisu ba o nia fiar. Bainhira o hamriik metin no halo buat neebe loos, o lori honra no hahi ba Nai Maromak. Judas hakerek nia surat nune, “Maromak forsa teb-tebes mak bele lori imi ba iha Nia futar oin. So nia mesak deit mak Maromak, Nia mak ita nia Salvador. Liu husi ita nia Nai Jesus Kristu. Maromak nee boot teb-tebes, kbiit hotu-hotu ninian, Nia mak kaer ukun, molok mundu nee iha, too agora I to tinan ba tinan nafatin. Amen” (Judas 1:24-25). (HG)

Hahan ba Klamar: *Exodo 25-27, *Maeust 6:9-18, *Salmo 71:17-24, *Proverbio 2:3-5