OINSA SIMU MAROMAK NIA PERDAUN

“Hau Konfesa Hau Nia Sala Ba O, No Hau La Subar Hau Nia Hahalok Aat. Hau Desidi Fo Sai Hau Nia Sala Kontra Nai, No Nai Perdua Hau Nia Sala Aat”
Salmu 32:5

Iha tempu neebe Nai Maromak fo perdaun ba Davi tamba nia halo sala ho ema nia ferikoan no mos oho ema, Davi hakerek nunee; “oh, haksolok tebes ba ema nebe nia sala hetan perdaun, no Maromak taka ona ninia sala! Tebes, haksolok ba ema nebe Nai la sura ninia sala, no ema nia espirito nebe la gosta bosok. Bainhira hau nonok, hau nia ruin sai fraku tamba haut anis loron tomak. Loron kalan O kastigu hau, hau nia forsa hotu ona hanesan mahubeen nebe maran iha bialoron”. “Hau fo sai hau nia sala ba O, no hau la subar hau nia hahalok aat. Hau desidi hodi fo sai hau nia sala Kontra ba Nai, no Nai perdua hau nia sala aat”. (Salmu 32:1-5)

Sala nebe la fo sai no la hetan perdaun sei halo o terus. Maibe bainhira o fo sai o nia sala no simu perdaun husi Nai Maromak, o sei la sente todan no terus tan. Tan nee tamba saida ita sente todan ou terus? Tamba ita sempre hetan presaun husi sala ne rasik. ita sempre rona liafuan ida dehan, hau espera o sei simu todan husi buat nebe o halo tia ona! ‘ou’ moe ba o nia an rasik! ‘no, bainhira ita sala demais, hanesan harahun ou halakon riku soin familia nian, dala ruma ita sei simu provasaun ou kastigu! Ou ita sei simu kastigu iha tempu barak nia laran, familia atu fo perdaun mai ita maibe sei tempu kleur mak ita hetan perdaun.

Notisia diak mak: maneira Maromak nian hodi fo perdaun ba ita lahanesan nee. Bainhira ita tau ita nia konfiansa ba Maromak no arrepende konfesa ita nia sala no husu perdaun, iha momentu nee kedas Maromak hamos ita nia sala, hadia ita nia moris, no fo perdaun ba ita. Se ita lakoi lao ho sentiment ida sala nee, mai ita koalia hamutuk ho salmista dehan; ‘O fo ona perdaun mai hau! no hau nia sentimentu todan no sala hotu lakon’. Agora, Ba no moris ho Livre, fiaran, no nakonu ho haksoslok! (HG)

Hahan ba Klamar; *Exodo 28-29, *Mateus 6:19-34, *Salmu 74:1-11, *Proverbiu 2:6