HALAKON O NIA TAUK KONABA O NIA FRAKEZA

‘Nai mak hau nia bibi atan, hau sei la falta buat ida’
Salmu 23:1

Tamba saida Biblia kompara ita ho bibi malae? Tamba sira maka kriatura ida ne’ebe dependente iha mundu ne’e; Sira tenke konfia ba bibi atan ba buat hotu nebe sira presisa. No ida ne’e mak Maromak nia hakarak hodi ita moris: moris depende ba Nia. Se bainhira ita moris nafatin ba nafatin iha tauk nia laran maka ita sei falta, no la iha konfiansa ba Maromak. Tauk ida principal mak fo suporta fali tauk sira seluk, inklui sente tauk atu sai aleijadu, ou sente tauk atu sai tuan(ferik/katuas), ou tauk halo investimento, ou tauk konaba sai kiak no pensium.

Extremamente ,sentimentu tauk ba falta sei hamosu preokupasaun. Ida ne’e bele kausa sai abut ba bosok. O bele sai obsesivu demais ba o nia an konaba la sente satisfeito, tamba o nia presija barak liu. Situasaun ida ne’e bele dudu o hodi sai focus liu ba servisu too o rasik no o nia oan sira la sente hakmatek, la iha seguru, no la iha forsa. Tauk sira hotu mai husi menus konfiansa ba Nai Maromak – liliu, iha Nia kbiit no Ninia taumatan ba o. ‘ Nai mak hau nia bibi atan diak [ hodi fo han, diriji, kuidadu ou proteje, hau sei la falta buat ida]. ‘(Maz 23:1) para hodi moris hanesan o la fiar ba Maromak iha promesa ba o! estratejia ne’ebe diak maka aprende husi promesas, komprende ba kondisaun, kumpri ba kondisaun, no deskansa iha nia domin no nia fidelidade. Ida ne’e laos signifika katak o tur deit no dobra o nia liman hodi hein deit Nai Maromak mak halo buat ne’ebe nia fo kapasidade tia ona ba o hodi halo. O presija halo buat ne’ebe o bele halo no fiar ba Nia hodi halo buat ne’ebe o labele halo. (HG)

Hahan ba Klamar: *Ex 7-9, *Mat 4:12-25, *Sal 10:1-11, *Pro 1:10-16