Hakmatek ba, no hatene ba katak Hau mak Maromak. ‘Salmo 46:10

Mai ita hare ba Eskritura ne’e.

  1. Hakmatek ba’. Atividades nebe lao ho ansiedade (kecemasan) lolos ida ne’e impede Maromak hodi hatudu Nia forsa. Ida ne’e la signifika o pasivu ou barukten; mais signifika katak, halo saida mak Maromak diriji, no la halo uluk liu Maromak. Signifika mos katak ita hakruk ba Nia hodi hein Nia. Tambasa? Hodi iha serteza katak ita iha sentimentu hakmatek hodi tuir nia ideia nebe ita fiar katak Nia fob a ita hare iha (Kolose 3:15). Husu ba nia atu revela Nia vontade ba ita, depois ita ‘hakmatek’, rekonhese katak Nia mak responsavel no Nia hatene saida mak Nia sei halo.
  2. ‘Hatene ba katak Hau mak Maromak’. Ida ne’e signifika katak laos ita mak Maromak!

Bainhira ita la obedese Maromak, la konsulta ho Maromak ou la konhese Nia tempu, ida ne’e ita hases Maromak husi ita nia moris no ita komesa hakarak troka Maromak nia fatin.

No ita hatene ida ne’e dura to’o bainhira? Bainhira vizaun laiha, povu sei lakon, maibe nia nebe halo tuir lei sei haksolok. (Proverbios 29:18).

Maibe Biblia mos hateten, ‘Tamba vizaun ne’e sei hein to’o tempu loos. ‘(Habakuk 2:3a).

Tinan 200 liu ba, Ministru Amerika Henry Ward Beecher hateten, ‘Forsa mane ida nian konsiste husi deskobre oinsa bele hetan Maromak nia dalan, no bele tuir ida ne’e. Entaun labele husik seminariu ida ou personalidade nebe impasiente (la pasiensia) dudu ita atu ita halo liu fali Maromak, ou koko atu ita kontinua avansa ho ita nia forsa rasik, ida ne’e sala!

Hakmatek no hein iha Maromak, ida ne’e mak loos!

 

Hahan ba klamar: Deut 1–2, Lucas 9: 37–45, Sal 42: 6–11, Pr 16: 17–19