‘Halo buat nebee loos’ (Salmu 4:5)

Loron ba loron Potifar nia feen koko hodi atrai Jose, maibe nia rejeita. Nia la fo tempu, la fo atensaun, la konversa, no la iha rasaun hodi fo esperansa. ‘Jose la fo tilun ba nia, atu toba ho nia ou hamutuk ho nia.’ (Jenesis 39:10) Iha situasaun servisu nian tempu agora: bain hira nia telephone, nia la simu telephone; bainhira nia haruka mensagen, nia la hatan mensagem; bain hira nia too, nia halai sai. (Jenesis 39:12)

Iha kultura nebee uja liafuan hanesan ‘Ema adultu nebee konkorda’ no ‘Direitu sexual’, ita haluha katak la iha moral destroi ema nia moris liu husi la toba iha toba-fatin. Max Lucado hakerek: iha tinan barak liu ba, hau nia belun ida hanorin hau ida nee, “Halo lista ba hahalok aat moris nian hotu nebee sei influensia  hodi halo o monu.” Hau halo tuir. Iha tempu nebee hau lee fila fali. “Hau nia feen Denalyn. Hau nia oan feto nain tolu. Hau nia feto foun. Hau sei iha bei-oan. Ema sira nebee lee ona hau nia buku balu ou rona hau nia pregasaun. Tim produsaun. Staff iha ami nia igreja.” Lista ida nee fo hanoin mai hau: hahalok isin nian ida nia konsekuensia mak troka fali kiak iha moris tomak, rikusoin hotu lakon.

Razaun dahuluk hodi Jose rejeita Potifar nia ferikoan mak Maromak. ‘Oinsa… hau bele halo buat aat ida hanesan nee, hodi halo sala konta hau nia Maromak?’ (Jenesis 39:9). Lisaun nebee ita hetan husi Jose nee afinal simples tebes: Halo buat nebee agrada ba Maromak.

Iha tempu ruma nebee o nia belun diak sujere ba o aimoruk aat ruma: halo ba saida mak agrada Nai Maromak. Iha tempu ruma nebee o nia belun diak hatudu ba o oinsa manira hodi bosok: halo buat nebee agrada Maromak. Iha tempu nebee tentasaun hodi asiste pornografia nee makaas tebes: halo buat nebee agrada Maromak. Oinsa hau bele Agrada Nai Maromak? ‘O husu. ‘Halo buat nebee mak loos hanesan sakrifisiu ida ba Maromak no fiar ba Maromak.’ [HG]

Hahan Espiritual: Numerus 25-26, Markus 7:1-13, Salmu 37:32-40, Proverbiu 11:7-8.