“Imi hatete: ‘Saugati deʼit atu serbí Maromak neʼebé ukun tropa lalehan nian. Ita hetan buat diʼak saida hodi kumpre ita-nia obrigasaun ba Maromak?” Malaquias 3:14

Iha Malaquias, livru ikus liu iha Testamuna Tuan, ema Israelia sira husu, ‘hetan buat diak saida hosi serbi Maromak?’ nee perguntas ema ne’ebé lafiar no dalaruma fiar-nain sira mos kestiona ida nee, liuliu bainhira iha sira-nia tempo susar no koko ita-nia fé.

Hananu-nain fo resposta mai ita: ‘Hahi’i ba Maromak, ksolok ba ema ne’ebé hamta’uk no fiar iha Nia, ksolok ba ema ne’ebé gosta tebes ninia mandamentu sira. Nia oan sira sei hetan kbiit boot iha rai, no jerasaun ne’ebé laran-loos sei simu bensaun. Rikusoin no buat murak mak iha ninia uma, no ninia hahalok loos iha ba nafatin. Nia sai nudar naroman iha nakukun laran. Nia laran-diak no laran sadi’a—no Ema ne’ebé fo debe ho dalan mos sei hetan buat diak hosi Nia halao moris ho justica.

Ema nune’e sei nunka sidi ba lasu diabu. Maromak sei kuidadu nia ba nafatin. Ema nune’e sei la ta’uk ba lia-meno ne’ebé aat ka laran la ta’uk ba saida deit bele akontese. Nia kuda metin iha nia hanoin katak Maromak mak sei kuidadu nia. Tanba nee nia laran la ta’uk, maibe ho kalma hasoru ninia inimigu. Nia fahe buat barak ho laran mos ba sira ne’ebé persija. Ninia hahalok diak sei nunka haluha. Ninia iha influensia no Gloria. ’(Salmo 112:1-9)
Ita bele nota katak, buat diak hosi serbi Maromak inklui kontenti, labarik sira ne’ebé bele halo ita orgulhu, susesu, influensia, no gloria. Atensaun iha lia-fuan spesifiku: ‘Ema nune’e sei la ta’uk ba lia-meno ne’ebé aat ka laran la ta’uk ba saida deit bele akontese.

Nia kuda metin iha nia hanoin katak Maromak mak sei kuidadu nia.’
Bensaun sira nee hotu parte ita nian ‘pakote buat diak’ hosi serbi Maromak.
HahanEspíritu □ Joel 2:23-32 □ Apóstolu 2:121