‘Ida nee fo Kaman mai hau iha hau nia tempu susar, katak O nia promesa fo moris hela mai hau’. (Salmu 119:50)

Bainhira o moras. Dala ruma Maromak foti o husi situasaun neebe o hasoru. Iha tempu seluk, Maromak ajuda o no halo sai forti hodi hatudu Ninia domin Nia laran diak ba o. Dala ruma nia fo Kaman ba o nia moras; iha momentu seluk, Nia suporta o iha situasaun nee rasik. Karik agora dadaun o sente moras hela, lee promesas Maromak nian no metin iha nia liafuan: ‘Nia fo forsa mai hau iha problema nia laran.

‘Favor ida, husik O nia laran diak fo kamaan mai hau, tuir O nia liafuan ba O nia atan hau. Husik O nia laran luak mai too hau, hodi hau bele moris, tamba hau kontenti iha O nia lei.’ (Salmu 119:76-77)

‘Fila mai hau, no hatudu grasa mai hau, tamba hau mesak no hau iha terus. Hau nia fuan laran iha problema barak, lori hau sai husi hau nia difikuldade sira. Hare hau nia terus no hau nia moras, no perdua hau nia sala hotu.’ (Salmu 25:16-18)

‘Bainhira ema moris loos hakilar, Nai mak rona, no Nia salva sira husi sira nia problema hotu. Nai mak besik sira neebe iha laran tohar, no Nia salva sira neebe iha ispirito neebe rahun ona. Ema neebe moris loos hetan terus barak, maibe Nai sei salva nia husi buat hotu nee. Nai proteje nia ruin hotu, la iha ruin ida neebe tohar.’ (Salmu 34:17-20)

‘Kura hau ba, Oh Nai, nunee hau hetan isin dia; Salva hau ba, nunee hau hetan salvasaun, tamba O mak hau nia kanta hananu nian!’ (Jeremias 17:14)
Atensaun, Maromak nia promessas lori kura no fo haksolok iha ita nia problema hotu. O nia Biblia maka reseita husi doutor poderoso nian, neebe hakerek iha nia lolon dehan; ‘sempre uja iha tempu neebe o presija bainhira o sente moras.’ (HG)

Hahan ba Klamar: *Is 12-16, *Mat 9:14-26, *Sal 91, *Pro 3:3-4