‘Maromak hahu ona halo servisu diak iha imi. I hau laran metin katak, Nia sei kontinua nafatin too Nia servisu nee hotu iha loron nebe Jesus Kristu fila fali mai hosi lalehan.’ (Filipe 1:6)

Se O hakarak Maromak nia vontade akontese iha o nia moris, labele ansi. Sara, Abraun nia fen, halo ida nee. Nia resultadu maka, Esmael moris, no buat ida nee lori lori konflitos barak iha sira nia familia- nebe sei fo terus nafatin ba ita, mesmu too ona sekulu rua nulu resin ida.

Hanoin ba: ‘isin fo fuan isin maibe espirito fo fuan espirito’ ( Joao 3:6), tan nee laran metin ba katak o nia planu mai husi Nai Maromak. Labele koko hodi salba buat nebe mai husi isin. Mromak Nia liafuan hateten, ‘Hau sei estabelese hau nia aliansa ho Isak’.’ (Genesis 17:21)

Isak moris resultadu husi Maromak nia Hakarak, halo tuir Maromak nia maneira, iha Maromak nia tempu. Buat hotu nebe o iha mai husi hun ida ou rua: isin ou espiritu. Tan ne matan moris ba. ema sei koko hodi envolve o ba iha eskema oioin hodi halo promosaun ba o nia an rasik. Maromak la presija ema ruma nia ajuda hodi fo bensaun ba o; Nia bele halo buat hotu mesak! Tan nee maka dala barak diabu ataka o, o tenke hatudu ba diabu o nia brani katak o nia espirito forti no fo hanoin ba nia katak laos o mak hahu projetu ida nee nune mos laos o mak atu remata projetu ida nee.

‘Nia maka hahu servisu neebe diak iha o nia moris no Nia rasik sei halo remata.’ No iha hanoin seluk tan. Se bainhira Maromak halo servisu iha o nia moris konaba isin karnal nian hanesan, fotian, ou obstaklu ruma nebe iha o niadalan, labele rebelde, labele halai, no labele taka dalan. Hanesan ema nebe atu mout no koko hodi salva nia an rasik- too o para hodi haklalak ba Maromak maibe Maromak labele halo buat ida ba o.

Tan nee liafuan loron ohin nian ba o mak: ‘Menus esfoso aan no konfia barak!’ (HG)

Hahan ba Klamar: *Ex 33-35, *Mat 7:15-29, *Sal 79, *Pro 2:9-10