“Hau Sei Adora Nai Iha Tempu Hotu, Hau Sei Nafatin Hahi Nai Ho Hau Nia Ibun”  (Salmu 34:1)

O bele hahi Maromak ho uitoan, maibe o nunka hahi Maromak ho barak. Davi hakerek nunee; ‘husi loro sae too loro monu, hahi Nai nia Naran’ (Salmu 113:3).dala hitu kada loron ida hau hahi O’ (Salmu 119:164). ‘Hau sei adora nai iha temopu hotu, hau sei nafatin hahi nai ho hau nia ibun’( salmu 34:1). Bainhira o sente fraku tamba situasaun ruma nebe la diak, buat ikus nebe o hakarak halo maka hahi Nai Maromak. Maibe tuir lo-los ida nee mak buat nebe primeiro o tenke halo, tamba liu husi hahi sei dada o nia atensaun hodi la hare ba o nia aan rasik no ba Maromak nia forsa. Josafat hasoru tropas nebe nia la konsege halakon, maibe bainhira nia hahi no adora Nai Maromak , ninia inimigu sira komesa funu hasoru malu, Josafat so hare deit no admira. Bainhira apostolu Paulus ho Silas hahi Maromak iha Komarka laran, korente nebe kesi sira nia ain kotu no portaun komarka nia nakloke. Dala barak ita focus liu ba ita nia problema no haluha adora Maromak, maibe tuir los adora no hahi Maromak bele harahun problema.

Apostulu Pedro hakerek nunee; ‘Imi hetan tentasaun nee para bele hatudu katak imi nia fiar metin duni ba Maromak. Imi nia fiar nee bele kompara ho osan mean. Osan mean nee too loron ida sei aat. Maski la dura, maibe ita koko ho ahi. Satan imi nia fiar, imi nia fiar folin aas liu fali osan mean. Neemak Maromak husik imi hasoru tentasaun para koko imi nia fiar nee. Se imi fiar nafatin, entaun aban bainrua Jesus Kristu fila fali mai husi lalehan iha ema hotu-hotu nia oin, Maromak sei gaba imi, repeita imi, I foti aas imi nia naran’.(I Pedro 1:7). Hahu hodi rekonnese katak adorasaun iha poder no hili hodi foti aas Nai Maromak laos ho sentiment. Liu husi hahi lori ita tama iha Maromak nia futar oin, no lori ita besik ba iha nia domin no nia bensaun.

Dalaruma ita hanoin, “maibe hau lahatene oinsa hahi nee nia servisu”. Mai hanoin hanesan nee: o la presiza komprende oinsa Aerodinamika bele semo. O so bele deit ba too iha Aviaun no hetan piloto atu lori o ba nebe mak o hakarak ba. Hanesan mos o nia Hahi ba Maromak, halo deit saida mak o bele halo no o sei hetan nia resultadu. (HG)

Hahan ba Klamar; *Exodo 30-32, *Mateus 7:1-14, *Salmu 74:12-23, *Proverbiu 2:7-8