Depois Jesus hatete ba ema nee, “O diak ona tanba o fiar. Hamriik ba. Bele baa ona.” (Lucas 17:19)

Mai ita haree nafatin leprozu nain sanulu ne’ebe Jesus kura ona. Moras halakon ita nia sensibilidade, atu nune’e ita estraga ita ita nia isin ho fasil no permanentemente. Miabe atensaun, Jesus la tula liman ba sira ou halo orasaun ba sira. Nia mos la temi moras leprozu ne’ebe iha sira. Pelu kontrariu, nia haruka sira ba no hatudu sira nia an ba nai lulik sira.

Estranhu tebes. Ba ita balu ida ne’e la tama ulun. Maibe antes Nai maromak halo milagre, Nia sei husu ita atu halo buat balu ne’ebe la tama ulun. Tamba, dalaruma Nia haruka ita halo buat ruma ne’ebe la iha relasaun ho buat ne’ebe ita husu iha orasaun. Bainhira situasaun ida ne’e akontese, ita iha desizaun atu halo, duvida Nia ka halo tuir Nia. Duka deskute buat ne’ebe la iha rohan, diak liu halo buat ne’ebe mak Nia haruka! Dalaruma Nai Maromak fo ninia liafuan, no ita haree hanesan la iha buat ida akontese, maibe akontese, mezmu bainhira ita haree hanesan la akontese. Fiar ne’ebe halo Nai Maromak hatan ita nia orasaun ne’e la presija esplikasaun. Entaun sira baa. Tuir dalan, derepenti deit sira hotu hetan isin diak. (Lucas 17:14) Atensaun liafuan ne’e: ‘sira baa’. Biblia hatete, Nai sei diriji ema nia hakat sira, bainhira Nia kontenti ho ema ne’e nia dalan.’ (Salmu 37:23) Bainhira Nai Maromak hatete buat ruma, hamriik i halo.

Koko atu imajina ida ne’e: Bainhira sira lao tuir dalan, sira nia nia aifuan ne’ebe kanek hetan restaurasaun. Banhira sira halo tuir Nia liafuan sira nia liman fuan sira ne’ebe kafuak kabuar hetan kura. Labele para agora. Kontinua lao. Maromak hahuu ona halo servisu diak iha imi. I hau laran metin katak, Nia sei kontinua nafatin too Nia servisu nee hotu iha loron nebee Kristu Jesus fila fali mai hosi lalehan. (Filipi 1:6 ) Hamriik ho fiar no deklara, hau fila fali mai! (AFS)

Aihan ba Klamar >2 Korintus 6:14 >Mateus 3:1-10 >Salmu 116 >Proverbiu 31:30-31