Depois Jesus hatete ba ema nee, “O diak ona tanba o fiar. Hamriik ba. Bele baa ona.” (Lucas 17:19)

Lucas hakerek: Jesus kontinua lao ba Jerusalém. Too dalan klaran, nia lao tuir baliza entre provinsia Galileia ho Samaria. Bainhira Nia atu tama ba aldeia ida, mane nain sanulu moras lepra mai atu hasoru Nia. Sira hamriik hosi dook deit hodi bolu ho lian makaas dehan, “Jesus, Mestri, hanoin ami ba!” Bainhira Jesus haree sira, Nia hatete ba sira, “Imi baa hatudu imi nia isin ba nai lulik sira, para sira haree.” Entaun sira baa. Tuir dalan, derepenti deit sira hotu hetan isin diak. (Lucas 17:11-14) Iha Kristu nia tempu ema leprozu sira nia moris sosial ne’e haketak an husi sosiedade, entaun sira hela hamutuk iha iha area izoladu ida. Maibe problema mak ne’e, ita labele hetan kura tamba moras ho moras mak hela hamutuk. Tamba ne’e mak ita presija lori problema ne’e ba Jesus. Atensaun liafuan ne’e, Nia lao liu.’ Jesus la ba fatin izoladu ne’e, Nia lao liu husi ne’eba deit.

Saida mak ita tenke halo bainhira ita lakon ita nia moris, ita nia familia, ita nia haksolok, ita nia finanseiru nsst, no Jesus hanesan la haree ita nia situasaun? Ita bele frustradu bainhira ita sente hanesan Jesus fo bensaun ema hotu, maibe ita hein no hanoin bainhira mak to’o hau? Hau serve ona Nai ho fidelidade, maibe haree hanesan Nai fo atensaun liu ba ema seluk. Ida ne’e tempu atu hakilar Jesus hanoin hau. La iha dignidade no respeitu, ema desesperadu (putus asa) halo orasaun ho desesperadu (putus asa) no Maromak hatan ba sira nia orasaun.

Atensaun, bainhira Jesus lao liu husi ema leprozu sira, sira la hakilar dehan hau foer,’ tuir lei Moises haruka. Lae, sira harahun protokolu. Bainhira ita iha situasaun ne’ebe aat, dalaruma ita tenke harahun buat ruma hodi bele hakat liu situsaun sira ne’e. Ita tenke halo saida mak David halo ona: Ho lian makaas hau bolu ba NAI, no Nia hataan hau hosi Ninia foho santu. (Salmu 3:4) Mai ba, se ita hakarak hetan resposta, tau ita nia fiar iha pratika! (AFS)

Aihan ba Klamar: >Malakias 3-4 >Mateus 2:16-23 >Salmu 139:13-24 >Proverbiu 31:28-29