Depois Jesus hatete ba ema nee, “O diak ona tanba o fiar. Hamriik ba. Bele baa ona.” (Lucas 17:19)

Ita gosta liu saida mak ita haree, sente, no rona, tamba ne’e ita uza liu ita nia kumpriensaun natural duke espiritual nian. Tanba imi fiar ba Maromak, entaun Nia sei kuidadu nafatin imi hodi Nia kbiit too imi simu salvasaun nebee Maromak prepara tiha ona atu hatudu sai bainhira mundu nee remata. (1 Pedro 1:5) Ita nia fiar ne’e mak buta ida ne’ebe book Nai Maromak nia poder.

Antes fatuk sai diamante, ne’e hanesan karbonu ne’ebe tau iha presaun makaas nia okos. Biblia hatete, Imi hetan tentasaun nee para bele hatudu katak imi fiar metin duni ba Maromak…….(1 Pedro 1:7)

Tentasaun laos atu koko deit ita nia fiar, maibe revela sai mos ita nia fiar ne’ebe subar iha laran liu. Ita ladun hatene didiak kona ba ita nia fiar, sekarik ita nia debe sira, ita selu ho di’ak, ita nia isin saude dia’k, ita nia oan sira moris iha dalan ne’ebe loos, ita nia kazamentu mos lao ho dia’k. Maibe bainhira situasaun runguranga akontese no ita konfia iha Nai Maromak atu lori ita sai husi ne’eba, ita sei hatene katak ita iha fiar. Dalaruma ita hanoin espiritualmente ita halo dia’k ona. Maibe inimigu la halo ataka ne’ebe makaas, nia hakarak ita halo buat hotu-hotu uza kumpriensaun natural duke espiritual. Nia ataka ita nia hanoin, ita nia deskansa, ita nia pas, ita nia emosaun no pensamentu moris.

Entaun, saida mak ita tenke halo? Laran metin ba, katak Maromak salva tiha ona imi, nee hanesan imi taka kapaseti besi. Kaer metin Maromak nia liafuan, nee hanesan surik ida nebee Espiritu Santu foo ba imi. (Éfezu 6:17) Tau ita nia fiar iha pratika. Hatete, ‘to’o ona’ no foti fila fali saida mak inimigu hadau husi ita. (AFS)

Aihan ba Klamar >Salmu 103:8-18 >Joao 3:16-18 >Apostolu sira nia istoria 2:38-41