Iha kalan nee, bibi atan balu hein hela sira nia bibi malae iha rai luan besik Belém. (Lucas 2:8)

Istoria natal ne’e lao hanesan ne’e: Iha kalan nee, bibi atan balu hein hela sira nia bibi malae iha rai luan besik Belém. Derepenti deit Nai Maromak nia anju ida mosu ba sira, i naroman hosi Nai Maromak nabilan haleu sira, halo sira tauk teb-tebes. Maibee anju hatete, “Lalika tauk! Hau mai hatoo liafuan diak ida ba imi. Liafuan nee sei halo ema hotu haksolok boot. Ohin imi nia Salvador moris iha liurai David nia moris fatin Belém. Nia mak imi nia Nai. I Nia mak Kristu, Ema nebee Maromak promete ona hori uluk atu haruka mai. Sinal atu hatene Nia mak nee: Imi sei hetan Kosok Oan ida falun hela ho neras i toba hela iha animal nia haan fatin.” (Lucas 2:8-12)

Ita imajina ka lae, tambasa anju koalia uluk ba bibi atan sira, profisaun ida ne’ebe ema konsidera kiik tebes iha sosiedade nia leet? Hanoin didiak kona ba ida ne’e: se anju koalia ba lider igreja sira, nia rejultadu mak sira sei konsulta ho sira nia livru manual doutrina nian no konselhu kongregasaun nian. Se karik nia mosu ba selebridade (selebriti), sira sei verifika no haree sese mak nonton. Se nia mosu ba diretur ezekutivu, sira sei konsulta ho diários i planilhas. Maibe nia fo sai novidade ne’ebe boot tebes iha istoria nia laran ba sira ne’ebe la iha buat ida atu subar, la iha preputasaun atu proteje, la iha eskada atu sa’e; ema ne’ebe fuan haraik-an no hanoin nakloke; ema ne’ebe ho simplisidade, hanesan labarik kiik oan.

Hetan ona ideia? Iha Belem nia liur iha igreja ida ne’ebe marka Jesus nia moris fatin. Iha altar nia kotuk iha fatuk kuak ho simbolu fitun ne’ebe hakoi iha rai. Ita bele tama fatuk kuak ne’e ho kriteiria ida katak: ita tenke hakneak. Odamatan badak tebes, i susar atu tama ho hamriik! Maromak sei nafatin halo nia servisu hanesan ne’e. Ita bele hasoru Nia iha fatin hotu-hotu. Maibe atu iha esperensia ho Nia, ita tenke hakneak tun. (AFS)

Aihan ba klamar: >Zakarias 12-14 >Mateus 2:1-8 >Salmu 97 >Proverbiu 31:22-24