……..Feto raan ida sei isin rua hodi tuur ahi oan mane ida…….’ (Mateus 1:23)

Lalehan anunsia kona ba Jesus nia moris ho liafuan sira tuir mai ne’e: ‘Aban-bainrua iha feto raan ida sei isin rua hodi tuur ahi oan mane ida. Labarik nee nia naran Emanuel.” Nee dehan katak ‘Maromak hamutuk ho ita’. (Mateus 1:23) Ida ne’e ironiku tebes tamba ema primeiru ne’ebe halo pergunta kona ba milagre tuur ahi virjen ne’e lider relijiozu sira? Farizeu sira hatete ba Jesus, ‘Imi halo tuir fali saida mak imi nia aman rasik halo.”…(João 8:41) Sira nia intensaun klaru no nervozu makaas. Depois ida ne’e, Jesus la hatudu ba Jose hodi dehan ‘nia mak Hau nia aman.’

Ita tenke kumpriende ida ne’e: Jesus tenke sai ema atu nune’e Nia bele mate, no Nia pozisaun mos nudar Maromak atu nune’e Nia bele salva. Ita oan husi aman mundu nian, tamba ne’e ita moris ho sala’. Maibe Jesus oan husi Aman lalehan nian, tamba ne’e Nia harahun tiha siklu jenetiku sala nian antes Nia moris. Iha antigu testamentu, bibi ne’ebe atu halo sakrefisu ne’e tenke moos. Jesus la simu eransa sala no pratika sala, tamba ne’e nia kualifikadu hanesan ‘Haree ba! Maromak nia Bibi Oan nebee hasai mundu nia sala, Nia mak nee. (João 1:29) Tuur ahi virjen ne’e loos tamba:

a. ‘…………. Nai Maromak nia anju ida mai hatudu aan ba nia liu hosi mehi……….’ (Mateus 1:20)

b. Bainhira José hadeer, nia halo tuir saida mak anju nee hatete ba nia……. (Mateus 1:24)

c. Bainhira Isabel rona Maria nia liafuan, bebee iha nia kabu-laran book aan kedas. (Lucas 1:41-42)

d. Istoria ne’e hakerek husi doutor mediku ne’ebe hatene karakteristika kona ba preokupasaun husi parte hotu-hotu: ‘Hau rasik mos estuda di-diak ona istoria nee tomak hosi huun too rohan. Nee duni hau desidi atu hakerek ba senhor, saida loos mak akontese, para senhor mos bele hatene katak, buat nebee mak ema hanorin ona ba senhor kona ba Jesus, loos duni. (Lucas 1:3-4) -AFS-

Aihan ba Klamar: >Zakarias 9-11 >Mateus 1:12-17 >Salmu 117 >Proverbiu 31:18-21