Tanba ema loos bele monu dala hitu, no nia sei hamriik fali,…………….. Proverbiu (24:6)

Jogador beisbol famozu mos baku dala sanulu maibe kona bola dala tolu deit. Oinsa sira bele moris ho falha ida makaas hanesan ne’e? Bainhira ita konsentra ba iha lei media. Sira hatene katak, se sira kontinua baku nafatin sira sei to’o iha baze. Iha 1952 Roger Bannister halai iha olimpiku, no remata iha 4 lugar, ne’ebe falha atu hetan kualker medalha. Maibe nia la rende. To’o agora espesialita barak mak konsidera katak, ida ne’e difisil tebes ba ema atu halai milha ida iha minutu 4 nia laran. No iha 6 de Maiu 1954, nia sai ema primeiru ne’ebe bele halo halo ida ne’e. Agora halai nain sira halo ida ne’e regularmente.

Nia importante ne’e saida? Se ita la rende bainhira ita falha, ita sei sai susesu iha loron ikus. Ita so presija deit atu hamriik fila fali no kontinua avansa ba oin. Iha 1832 Abraham Lincoln falha atu sai lejislatura estadu. Iha 1833 nia falha iha negosiu. Iha 1835 ninia fen mate. In 1836 nia hetan moras mental. Iha 1838 nia falha atu sai Presidente Kamara Illinois. Iha 1843 nia falha atu hetan nomeiasaun iha kongresu. Iha 1854 nia lakon ho senadu EUA. Iha 1856 nia falha atu hetan nomeasaun ba vise prezidente. Iha 1858 nia lakon nafatin husi kompetisaun senadu EUA. Maibe ohin loron ema konsidera nia sai hanesan prezidente boot ida iha Amerika.

Ema matenek konklui katak; ida ne’e sala atu hatete ema susesu tenke liu husi susesu, maibe ema susesu dalabarak liu husi falha. Ita sei susesu, bainhira ita la husik pasadu interompe ita nia konsentrasaun ba futuru. Tamba ne’e labele tauk falha. (AFS)

Aihan ba Klamar: >2 Timoteo 1-4 >Mateus 1:1-6ª >Salmu 128 >Proverbiu 31:6-9