Maun-alin sira, bainhira imi hasoru tentasaun oi-oin, haksolok deit ba. (Tiago 1:2)

Tiago hakerek: haksolok deit ba, bainhira imi hasoru tentasaun oi-oin, ….tanba imi hatene katak, se ita liu tentasaun nebee koko ita nia fiar mak ita aprende atu aguenta nafatin. Imi tenki aguenta nafatin too imi sai ema nebee moris loos, kompletu, i la falta buat ida. (Tiago 1:2-4) Pedro hakerek: Maluk doben sira, agora dadauk imi terus hela, i terus nee koko imi. La bele hakfodak, i la bele hanoin dehan ema nebee fiar Maromak sei la hetan terus. (1 Pedro 4:12) Teste ne’e hanesan kabas ida ne’ebe kesi ita metin. Bainhira ita liu teste ida, teste seluk sei mai nafatin. Tamba ne’e Tiago la dehan, ‘se’ maibe ‘bainhira imi hasoru tentasaun. Observa:

(1) Teste mai ho kategoria oi-oin. Sira bele mai ho tipu fiziku, emosional, finanseiru, no relasaun; ida ne’e laos medida ida ne’ebe kona hotu-hotu. Buat balu ne’ebe halo ita hakfodak tebes, hanesan lakon ema ne’ebe ita hadomi tebes; buat seluk ne’ebe halo ita mout, hanesan divorsiu ka hetan moras ne’ebe kleur tebes. Balu ne’ebe akontese iha publiku, maibe balu akontese iha ita nia moris privadu. Balu tamba ita nia falha ka tamba ema seluk nia sala; buat seluk balun ne’ebe la iha relasaun ho ita ema nia limitasaun.

(2) Teste ne’e koko ita nia fiar. Sira lori ita fila ba baziku no fo hanoin ita iha ne’ebe mak ita tenke tau ita nia prioridade. Charles Swindoll hatete, ‘Durante……teste hau fila fali ba …….saida mak hau fiar……..elementu balun hanesan orasaun no dependensia……..hakmatek no hein Nai Maromak. Teste…..obriga ita fila fali ba ita nia baze fiar ne’ebe sai hanesan ita nia fundasaun, no ida ne’e sai prosesu refinasaun no nesesariu.

(3) Teste halo ita maduru. Bainhira ita sofre, ita iha tendensia atu buka dalan korta hodi sai lalais. Labele halo ida ne’e. Teste ne’e atu halo ita sai ‘kompletu’. Husik sira halo sira nia servisu, no ita sei remata ho sai forte liu. (AFS)

Aihan ba Klamar >Mikeias 5-7 >Joao 21:1-14 >Salmu 12 >Proverbiu 31:1-5