‘…….. husu lisensa lai……kuu …………. Hau sei ba iha toos hosi toos nain ne’ebe simu hau ho di’ak…….(Rut 2:2)

Rut muda nia moris bainhira nia iha situasaun triste, bankrut, la iha oan. Oinsa?

Primeiru: Hili mentor ne’ebe loos. Nia hatete ba Naomi, ‘…Iha fatin ne’ebe deit ita boot ba, hau mos ba…’ (Rut 1:16) Faktu mak ne’e, Naomi ema Judeiu no Rut ema jentiu, ka Rut feto klosan, Naomi feto ferik, maibe Naomi nunka halo Rut hirus. La duvida, iha ne’eba iha tempu ne’ebe sira la hasoru malu oin ho oin, ka nunka iha relasaun. Maibe bainhira Nai Maromak loke dalan Nia sei tau ema ne’ebe loos ho esperensia no pensamento ne’ebe diferente. Naomi mak Rut nia matan no tilun iha mundu ne’ebe nia la hatene katak nia tutor no matadalan ida hodi lori Rut atinje nia destinu moris. Maromak hamosu lider sira hodi foo solusaun ba problema ohin loron nian. Se ita espera atu hetan bolu ba iha servisu ruma, ita presija rekonhese ema ne’ebe Nai Maromak haruka hodi prepara ita. Sira mai bele selebra ho ita, akonpanha ita, foo konselhu ka koriji ita, hanoin Jesus Nia liafuan,…..’Se mak simu Hau, nia simu ona ida ne’ebe haruka Hau mai.’ (Joao 13:20)

Segundu: Ita presija iha area ne’ebe loos‘ …….. husu lisensa lai……kuu …………. Hau sei ba iha toos hosi toos nain ne’ebe simu hau ho di’ak. Buat hotu lao ladiak iha Moab maibe iha Belem di’ak. Entaun Rut husik fatin ne’ebe nia ambiente familiar, lao sai ho fiar, laos deit atu aguenta moris, maibe muda moris. To’o ikus nia kaben ho Boaz, toos nain no sai familia Liurai David no ita nia Nai Jesus Kristu.

Oinsa mudansa ida ne’e akontese? Nai Maromak nia planu ba ita nia futuru ne’e involve mos koneksaun ho ema ne’ebe loos, no iha area ne’ebe loos. Entaun husu Nai Maromak atu diriji ita. (AFS)

Aihan ba Klamar: > Nehemia 1-4 >Joao 19:17-30 >Salmu 105:16-22 >Proverbiu 30:10-14