” Nai Maromak mak foo matenek klean” (Proverbiu 2:6)

Atu susesu iha moris, ita tenke halo buat tolu ne’e:

(1) Deside buat ne’ebe importante. Iha istoria komik ida, iha familia ida muda ba foho tamba hakarak do’ok husi sidade. Sira deside atu hakiak animal tamba ne’e sira hola rai boot. Loron ida, iha kolega balun vizita sira no husu sira, oinsa sira fo naran. Pai hatete, hau hakarak bolu Flying-W maibe mama hakarak bolu Suzy-Q. Ami nia oan ida gosta Bar-J, maibe ami nia oan feto prefere Lazy-Y. Enataun, ami lakohi halo seluk fuan moras, no ami deside bolu Flying-W, Suzy-Q, Bar-J, Lazy-Y Ranch. Kolega ne’e husu, oinsa kondisaun animal sira ne’e nian? Pai hatan, ami la iha animal ida. Sira la halo moris marka. Mai, ita deside buat ne’ebe mak importante ba ita.

(2) Prioritiza ita nia tempu: Ita hotu hanesan loja nain ne’ebe okupadu hamoos loja laran moos to’o haluha loke odamatan oin. Razaun ita iha negosiu tamba hakarak atende kliente sira no hetan lukru, laos okupadu fali ho buat seluk. Harii ita nia desizaun moris ba iha buat ne’ebe prioridade. No se ita presija ajuda oinsa atu define ita nia prioridade, husu Nai Maromak: ‘tamba Nai Maromak mak foo matenek klean, matenek no kumpriensaun mai husi Ninia ibun’.

(3) Aprende atu motiva ita nia an. Tempu barak, la iha ema ida mak atu halo. Bainhira trajedia kona nia moris, ita lee: David hetan korajen iha Nai nia Maromak…..’ (1 Samuel 30:6) Ita presija aprende oinsa atu halo ida ne’e mos. Judas hakerek: “….Hametin liu tan imi nia fiar,……halo orasaun ho Espiritu Santu nia tulun.” (Judas 1:20)

Atu susesu iha moris ita tenke aprende atu enkoraja ita nia an, halo orasaun no dezenvolve ita nia an. (AFS)

Aihan ba Klamar: >Kolose 3-4 >Filipe >Joao 19:1-16 >Salmu 105:8-15 >Proverbiu 30:5-9