“No Nia …….dehan, “haree ba, hau halo buat hotu-hotu foun….’’ (Apokalipse 21:5)

Observa: (1) Mudansa signifika simu risku. Ita nia laran susar sei mai I hatete, ‘oinsa sekarik hau la hetan servisu? Oinsa, se hau la faan hau nia sasan? Oinsa se karik hau halo esforsu atu iha mudansa maibe labele? Ita gosta iha garantia ne’ebe seguru. Buat ne’ebe bele halo prediksaun ne’e sente ninia ameasa menus duke tau ita nia kakorok ba iha risku. Maibe presu ba ita nia seguransa dalabarak ita hanoin kona ba buat ne’ebe ita iha ne’e. Dalaruma risku ne’ebe boot liu mak nunka foti risku. Nai Maromak dalabarak husu ita atu husik dalan ne’ebe ita sente no haree seguru, hodi foti fali ida ne’ebe risku tebes. Entaun fiar ne’e saida loos? Fiar ba Maromak katak, ita laran metin nafatin ba buat ne’ebe ita hein atu simu, i ita la duvida katak, buat ne’ebe ita seidauk haree ho matan , iha duni. (Ebreu 11:1) Ita nia fiar ne’e garantia ne’ebe infalivel, Maromak nia konfirmasaun, aktu garantidu ida katak, mudansa ne’ebe ita hakarak sei akontese se bainhira ita halo asaun.

(2 ) Mudansa sei akontese se karik ita la fo fatin ba falhansu sira atu hapara ita. Tauk falha ne’e baibain hapara ita atu koko, maibe Nai Maromak ninia ema sira ne’ebe kualidade tebes ne’e sempre liu husi falha mak ba susesu. Ita bele konsidera Abrão, Moises, David, nsst. Sira hotu sempre hasoru uluk falha antes susesu. Loos duni, mudansa ne’e hanesan rikusoin ne’ebe boot liu ka profundu liu ne’e sempre akontese hafoin ita esperensia falha. To’o agora ita koko sai ema ne’ebe foti-an, no ladun efetivu ba Nai maromak. Pedro nega matak Nai Jesus iha momentu ne’ebe importante tebes. (Mateus 26:72) Maibe nia krese, Nai Jesus hili nia hodi lidera Ninia igreja iha loron pentekosta, ne’ebe Pedro lori ema 3000 fiar ba evanjelhu. (Apostolu sira nia Istoria 2)

Labele husik falha hapara ita.  (AFS)

Aihan ba Klamar: >Kolose 1-2 >Joao 18:25-40 >Salmu 105:1-7 >Proverbiu 30:1-4