” Ema ida-idak halibur natoon tuir buat ne’ebe nia bele han.’ (Exodu 16:18)

Iha raifuik maran Maromak fornese aihan (Manna) ba nia ema sira atu sira la bele hamlaha. Ida ne’e mosu milagre deit kada dadeer. Ema hotu-hotu hetan natoon deit. Sira ne’ebe halibur barak liu tenke han hotu kedas, no sira ne’ebe halibur………uitoan deit ne’e natoon ba sira. Kada familia ida hetan natoon-natoon deit tuir sira nia nesesidade.

Anota ida ne’e, dalabarak iha ita nia moris Nai Maromak fo bensaun ita to’o ita haree hanesan barak demais. (Deuteronomia 28:2) Ita nia orasaun hetan resposta, relatoriu diak husi doutor, nota debe hotu hetan selu, ita nia servisu lao diak tebes, no ita nia oan sira lao iha dalan ne’ebe loos. Bainhira buat sira ne’e hotu akontese, haksolok ba no fo obrigadu ba Nai maromak nia di’ak. Depois dalaruma mos iha tempu ne’ebe nia fo ita natoon deit, hotu kontinua hakat pasu id aba oin. Ida ne’e atu hanorin ita atu konfia iha Nia iha ita nia moris loron-loron (kada oras); hodi koko Ninia Liafuan no haree ita nia an katak…..’Ninia laran luak ………foun kada dadeer.’ (Lamentasaun 3:22-23) Alinha ida ne’e: Maromak nunka husik ita atu halibur aihan (manna) ne’ebe aban nian iha loron ohin.

Biblia hatete Nai Maromak riku teb-tebes, tamba ne’e Nia sei foo bai mi buat hotu hotu ne’ebe imi presija. (Filipe 4:19) Nia hakarak ita atu sadere ba iha ida ne’ebe foo, laos prezente ne’ebe ita simu, Nia hakarak ita konfia iha Nia hodi kompleta ita nia presija sira, no iha esperansa katak Nia sei lori sai buat di’ak husi situasaun ne’ebe mak a’at tebes.

Duke estres, Nai Maromak hakarak ita …..halo orasaun ba Nai maromak saida mak ita presija (Filipe 4:6), nune’e ita bele para ona ulun moras bainhira ita mesak tamba Nia ………nunka husik no abandona ita, (Deuteronomia 31:6); tamba ne’e ita presija hatene katak, saida deit mak akontese iha ita nia moris, ita nunka atu pergunta Nai maromak nia domin, tamba Ninia domin ne’e ‘…….rohan la’ek…..’ (Jeremeias 31:3)  (AFS)

Aihan ba Klamar > josué 16:1-19:23 >Joao 17:13-26 >Salmu 148:1-6 >Proverbiu 29:11:15