Jesus koalia tan dehan, “Hau rasik la bele halo buat ida, se Hau seidauk rona hosi Hau nia Aman. Bainhira Hau rona tiha hotu, foin Hau tesi ema nia lia. Tanba nee, saida mak Hau desidi nee loos. Tanba Hau la halo tuir Hau nia hakarak, maibee Hau nia Aman nia hakarak deit. Tanba Nia mak haruka Hau mai. Joao 5:30

Buat datoluk ne’ebe deskreve Jesus nia relasionamento ho nia aman mak obediensia. Jesus hatete: “ Hau fo justisa tuir buat ne’ebe mak hau rona husi hau nia aman. Justisa ne’ebe hau foo ne’e loos. Tamba Hau laos halo tuir hau nia hakarak rasik maibe Hau halo tuir hau nia Aman nia hakarak tamba nia mak haruka hau mai. Jesus nunka konsidera ka konsulta ho ninia hakarak rasik iha asuntu ida ne’e. Maibe nia foka liua oinsa halo tuir ninia aman nia hakarak, Nia la aumenta no la hamenus.

Anota liafuan sira ne’e: “Hanesan hau rona”. Bainhira ita rona buat ruma husi Nai Maroma, signifika ita la presija deskute tan ona, ita so bele halo asaun deit. Maromak nunka troka ninia hanoin, tamba ne’e ita mak tenke troka ita nian hodi apar ho ninia programa.

Bainhira ita fiar iha Jesus hanesan ita nia Nai iha ita nia moris, ita presija husik direitu baziku tolu:

1. Presu ne’ebe ita presija selu

2. Iha ne’ebe mak ita atu ba

3. To’o iha ne’ebe mak bele lori transformasaun ba ita.

Atu goja relasionamentu ho Nai Jesus, ne’e hanesan mos relasionamentu ne’ebe Nia iha ho nia Aman, ninia presu hanesan! It abele dehan, ne’e hanesan ejijensia ida ne’ebe makaas tebes. Sim, maibe ida ne’e seguru tebes.

Bainhira Nai Maromak haruka nia ema sira atu halo buat ruma, Nia mos fo hatene ba sira tambasa;….. Atu buat hotu bele lori diak bai ita nia moris’. (Deuteronimia 5:33, 6:3, 12:28)

Maromak laos atu hamate ita nia jeitu, ka halo ita nia moris sai difisil, ka tau ita iha situasaun apertadu.

Nia, Aman ida ne’ebe hatene halo buat ida ne’ebe diak liu ba ninia oan sira. Ida ne’e mak buat ida ne’ebe inan aman hotu-hotu hakarak ba sira nia oan.

Tamba ne’e bainhira ita lao iha obidiensia nia laran, Ita sei hetan buat ne’ebe diak liu husi Nai maromak. (AFS)