‘….haʼu la buka haʼu-nia hakarak rasik, maibé Ida neʼebé haruka haʼu mai nia hakarak.….’ João 5:30

 

Buta tolu ne’ebé deskrebes Kristo nia relasaun ho nia Aman: intimidade, depensia no obedensia.

Ohin mai ita hare liu kona-ba Nia depensia ba Maromak.

‘Oan labele halo buat ida tuir ninia hakarak rasik, maibé nia halo deʼit buat neʼebé nia haree Aman halo; Tanba buat neʼebé Aman halo, Oan mós halo.’(João 5:19) Jesus hatene Nia labele halo buat ida bainhira Nia Aman laiha, tan ne’e Nia nein hanoin atu koko. Ita, iha parte seluk, kanta, ‘Nia laiha hau labele halo buat ida,’ depois sai ba liur no hatudu aan hanesan buat hotu depende bai ta. Kuandu ita susesu, ita sai ema ne’ebé foti-aan tebes no laiha ema ida mak aguenta ho ita. No bainhira failla, normalmente akontese tanba monu la aguenta todan husi knar ne’ebé desde inisiu la’os Maromak mak fó mai ita.

Karik ita sempre husu bebeik tanba sa Jesus nunka infrenta ho sentimentu la hakmatek ka luta hasoru sentiment tauk failla hanesan ita ba-bain hasoru? Tanba nunka mosu iha Nia hanoin katak Nia sei labele halo buat ne’ebé Nia Aman asigura katak Nia sei bele halo. Bainhira ita hatene ita rona deit husi Maromak, ita sei bele hasoru obstaklu ka inamigu hotu ho fiar aan.

Maromak nunka fó mai ita knar ne’ebé la rekere Nia matenek ka sabedoria no suporta ho Nia forsa. Los duni, Maromak nia asaun hodi kria buat hotu iha ita-nia moris atu aumenta, la’os hamenus, ita-nia depensia ba Maromak. Ita hatete, ‘Maibe hau iha talentu. Hau bele halo buat barak!’ Los, maibe ita sei labele halo buat ne’ebé importante iha Maromak nia matan.

Tan ne’e antes atu hahu ita nia loron, hakneak no reza, ‘Maromak, hau tau fiar deit iha Ita-boot no hau laiha planu rezerva!’ (CR)

HahanEspíritu □ 2 Krónikas 35-36 □ 2 João □ João 14:26-15:4 □ Salmo 146 □ Provérbios 28:9-12