‘…. nia espíritu sei tun ba nia, Tan neʼe mak nia sei hatudu matenek no komprende ho didiʼak….’ Isaias 11:2

Durante haklaken iha mundo Jesus persija ‘Espíritu sabedoria’ bainhira tenki foti desizaun no hasoru inamigu. Nudar ema fiar-nain, espíritu hanesan mos horik iha ita. Tiago 3:15 hatete matenek ne’ebé la’os husi Maromak iha aspeitu tolu. Mak hanesan: (1) Mundo nian, nune’e labele tau fiar bebeik tanba ‘dala-ruma buat ne’ebé ita hare diak hela maibe ne’e dalan ida lori ita ba mate.’ (Provérbios 16:25) (2) Sensual, bazeia ba emosaun bele hamosu konfusaun, laran-moras no siúmes. (3) Demonik, mak hanesan, egois, marozu, no mau-pagador. Maibe matenek ne’ebé mai husi leten mak hanesan… mós ka purú, gosta hadame, mamar, prontu atu rende, nakonu ho domin no lalaok diak, la inklina no la hipokrata. (Tiago 3:17)

Biblía hatete, ‘[Bainhira] ita persija matenek, husu… Maromak, no Nia sei fó ba ita.’ No Bainhira ita reza, husu ba ita-nia aan perguntas sira tuir mai ne’e:

Hau nia motiva ho laran mós ka hau sei moe iha futuru tan motiva ne’e?

Hau nia desizaun ne’e sei lori laran-luak no kompaisaun ka argumentu no presaun?

Hau konsedera ona ema hotu ne’ebé sei afeita husi rezultadu ne’e ka lae?

Hau pronto ho hakarak atu hakru’uk ba Maromak ka hau determina tuir nafatin?

Rezultadu ikus sei halo hau iha atetude ladiak ka sei lori kondisaun ne’ebé bele hamoris domin, kontenti, dame, hadomi, pasensia, fidelidade, mamar no kontrola aan?

Ida ne’e justu no la inklina ka diak deit ba ema ka grupu balun?

Bele ka lae hau halo asaun nee ho laran mós ka ne’e involve nível bosok no egois balun? (CR)

HahanEspíritu □ 2 Krónikas 32-34 □ João 14:15-25 □ Salmo 118:19-29 □ Provérbios 28:5-8