“Maibé obrigadu ba Maromak neʼebé lori ita hodi marxa hamutuk ho Kristu, hanesan tropa neʼebé marxa fila bainhira sira manán ona funu. Maromak nia koñesimentu neʼebé hanesan buat morin habelar ba fatin hotu liuhusi ita.” 2 Korinto 2:14 

Buat balun la enkoraza ita hanesan bainhira ita-nia oan la tuir ita nia dalan. Nudar aman-inan Kristaun ita hakarak hare ita-nia oan sira serbi Maromak. Kuandu ita reza ona, ita esforsu hamoris fé diak liu tan iha sira-nia oin, no sidauk tan sira deside hili dalan seluk, ita-nia laran moras klean tebes.

Maibe ema seluk senti uluk ona esperiensia nune’e. Isac hare nia oan-mane Jacob entrega aan ba Maromak mais nia oan-mane Esau rejeita Nia. Aaron, amlulik bot, iha oan-mane rua ne’ebé oferese ‘sunu estranho’ iha altar Maromak nian. Manoah nia oan-mane Samson, komete oho-aan. Profeta Samuel nia oan-mane mos ‘….la halo tuir ninia ezemplu; sira hakarak atu manán buat ruma ho laran-makerek, sira simu prezente hodi bobar lia-loos, no sira la halo tuir justisa.’ (1 Samuel 8:2-3).

La’os ita mesak mak hanoin nune’e kona ba ita nia-oan sira, no sedu liu ba ita atu senti ita mak salah, ka rende ba sira. Tau iha hanoin katak

(1) Maromak deit mak bele salva. ‘Salvasaun iha Maromak nia liman.’ (Jonas 2:9) Labele foti Maromak nia responsabilidade ka senti salah ba buat ne’ebé la’os ita-nia kulpa. Tamba Nia hatene ita-nia laran, Maromak hatene oin-sa no bainhira ‘remata asuntu ne’e’ ho ita-nia oan. Tan nune’e doque perukupa, temi nafatin sira-nia naran ba Maromak liu husi orasaun.

(2) Husik Maromak mak lori ita nia todan. Ita-nia parte mak reza no fiar ita-nia oan sira iha Maromak, no sai husi todan sira ne’e. Nia bele lori todan sira ne’e, ita labele (1 Pedro 5:7)

(3) Sei iha esperansa. (Jeremias 31:17) Maromak bele muda situasaun no fila sira-nia laran ne’ebé to’os, kuandu ita fiar los deit ba Nia.

HahanEspíritu □ 2 Krónikas 22-24 □ João 13:18-30 □ Salmo 114 □ Provérbios 27:20-22