“Nemak Maromak lalehan no rai ni’a liafuan: keta sée tilun ba liafuan siik husi profeta sira hato’o ba imi! Profeta sira ne’e fó deit liafuan mamuk ba imi, no sira fó sai tuir sira ni’a laran rasik, la’os saida mak fó sai husi Maromak Ni’a ibun.’ Jeremias 23:16

Jesus hatete, ‘Kontinua husu, no imi sei simu. Kontinua buka, no imi sei hetan. Kontinua dere odamatan, odamatan sei loke ba imi.’ Maibe promete ne’e tenki kualifika ho kondisaun: ita fiar Nia, katak buat naran deʼit neʼebé ita husu hodi tuir Ninia hakarak, Ni’a rona ita. (1 Joao 5:14)

Bainhira ita asina kontratu legal ida ita sei la husik liu letra pontu kiik ruma. Nudar ema ne’ebé iha mehi, ita labele husik liu realidade. Kuandu ita husik liu, realidade sei hapara no hamaten ita ni’a dalan. Bainhira Maromak fó mehi ida ba ita, ni’a mos fó mai ita-nia persija hotu atu kompletu mehi nee. Mehi ne’ebé irrealista sei tenta ita maka’as atu depende ba buat ne’ebé ita labele kontrola (hanesan sorti). Ita tenki halo balansu ita ni’a aten brani ba mehi ho realidade situasaun ita ni’a moris. Sim, ita tenki atinzi dok liu saida mak ita hanoin ita bele, maibe iha tempu ne’e mos baseia saida maka ita halo tuir ita ni’a forsa no fatores seluk ne’ebé iha ita ni’a kontola. Se ita preukupa liu ba buat ne’ebé ita labele kontrola, ita sei ladun halo barak ba buat ne’ebé ita bele kontrola. No bainhira ita halo nune’e ita komesa moris iha mundu fantazia. Bainhira Maromak mak fó mehi ida, mehi ne’e sei uza ita-nia kbi’it.

Catherine B. Ahles ni’a oberva: ami gasta tempo iha idade 20 laran hodi buka hetan buat barak maka ami bele halo. Maibe bainhira idade aumenta ba 30, ami foin komesa hetan buat nebe ita nunka hetan iha moris. Desafiu ba ita maka idade komesa lao ba 40 no liu tan no tau hamutuk hotu atu hatene tuir ita ni’a kapasidade no rekonhese ita ni’a limitasaun no bele sai diak liu tuir ita-nia bele. (CR)

HahanEspíritu □ 2 Krónikas 18-11 □ João 12:12-19 □ Salmo 102:1-11 □ Provérbios 27:7-9