Sira hotu hahúu halo razaun oi-oin. Ida dehan, ‘ha’u foin sosa kintál ida no lisensa ha’u tenke ba haree.’, ‘Lukas 14:8’

Mai ita haree razaun oi-oin ne’ebé ami aprezenta hodi la buka tuir mehi ne’ebé Maromak fó ona mai-ita.

‘Mehi sei la sai realidade mai ema baibain hanesan ha’u.’ Maun alin família Wright sira hakarak atu semo. Winston Churchill iha vizaun ida kona-ba ai-hun Europa. Dr Martin Luther King Jr. iha mehi ba igualidade moris. Maibé ita la persiza tenke sai ema boot iha mundu atu iha mehi. Lae, buka atu hetan ka atinje mehi ne’e mak sai diferente entre ema baibain no ema estra-ordiánriu. Ema baibain moris iha estra-ordináriu nia moris bainhira sira buka tuir sira-nia mehi. Tanba sa ita ko’alia nune’e? Tanba mehi ne’ebé Maromak fó sei motiva ita atu halo mudansa importante kona- ba sé mak ita nia an atu bele moris tuir ita nia mehi; bele realiza ita nia hakarak, no prosesu koñese ita nia an no saida mak ita bele atinje. Ho liafuan seluk, katak ita-nia mehi maka ita-nia objetivu no ita mak halo mudansa ba ita-nia an. .

‘Kuandu mehi ne’e la boot, la persiza atu buka tuir.’ Ita-nia mehi ne’e la’ós tenke valór aas. Ita- nia mehi la persiza tenke mehi ne’ebé boot tebes; maibé mehi tenke boot liu ita. Inan Teresa hatete, ‘Ita hotu sei la konsege halo buat di’ak hotu ne’ebé boot, maibé ita hotu bele halo buat ki’ik hotu ho domin boot.

Agora la’ós tempu loloos mai ha’u atu buka tuir ha’u-nia mehi. Lisensa atu buka tuir ha’u-nia mehi sei mai hosi hun rua: Maromak no ha’u-nia an rasik. Hakerek na’in George Eliot hatete, ‘nunka tarde ba ita atu sai nu’udar saida mak ita mehi ka hakarak.’ Tempu sei nunka perfeitu tuir it-nia hakarak atu tuir ita nia mehi, nune’e di’ak liu ita hahú agora. Kuandu ita la hahú agora, tinan oin ita-nia idade sei aumenta tinan ida tan no ita-nia pasu seidauk besik ba ita-nia mehi. (CR)