…imi nia katuas sira sei hetan mehi…” Joel 2:28 (BK) 

Biblia hateten “imi nia katuas sira sei hetan mehi, no imi nia mane joven sira sei haree vizaun”. Bainhira Maromak fo ba o mehi ida, Nia sei fo mos rekursu ka buat nebe o presija, inklui ema balun nebe sei ajuda o hodi realiza ho susesu mehi refere. Laos ema hotu-hotu sei fiar ba o nia mehi. Paulo hakerek, ” Oinsa karik ema balun la fiar ? Entaun , ho sira nia la fiar sira nee bele kansela Maromak nia fidelidade ? Lae! Maski ema hotu-hotu iha mundu bosok tuun-sae mos, Maromak loos nafatin. ( Roma 3:3-4)

Karik o nia mehi nee mai husi Maromak , entaun, diak liu ignora tiha ka lalika preokupa ho ema nia liafuan nebe hateten katak mehi nee sei la realiza no tenki fo o nia an tomak ba mehi nee. Nunee importante atu hatene ho loloos duni katak mehi nee mai husi Maromak. Mehi nee labele mai husi ema seluk nia deseju ka hakarak. Dalaruma mehi balun mai fali husi ema seluk nia hakarak ba o. Inan-Aman sira sempre halo ida nee. Sira hakarak atu hamoris fila fali parte balun husi sira nia moris liu husi o, nunee sira dudu o hodi halo buat ruma nebe sira sempre hakarak atu halo. Ida nee halo o , durante o nia moris tomak koko ka buka hodi fo ksolok ba Inan-Aman, atu hetan sira nia aprovasaun maske agora dadaun o iha idade ida nebe maduru ona ka boot ona. Nunee loron ida o hader mai, basa rentos no foin hatene katak afinal durante nee o koko moris fali iha ema seluk nia mehi. Dalaruma mehi nee hanesan Maromak nia planu ba Inan-Aman, Laos ba o ! Husu o nia mehi rasik husi Maromak ! O nia mehi labele mai husi motivasaun nebe sala , hanesan mai fali husi foti-an, laran-moras, hirus, ema rejekta ka ba kompetisaun ruma.

Agora dadaun o koko hela atu hatudu buat ruma ba ema ? O koko hela hodi manan sira nia aprovasaun no respeita ba o ? O koko hela hodi hakaas-an atu hatudu katak o ‘diak liu’ ona hafoin hetan rejekta husi ema balun ? O tenki hatene loloos o nia motivasaun, husu Maromak hadia o nia fuan, no depois husu ba Nia, husu Ninia mehi ba o nia moris ! (VN)

Hahan Espiritual : □Ezra 1-2 □ Jo 7:14-24 □Salmo 104 : 24-35 □ Pro 24-28