...ida-idak halao nia knaar, mak ita hamutuk boot ba dadauk i sai forti.’ Éfezu 4:16

Ita barak mak la gosta husu klarifikasaun husi ema seluk, maibe dalaruma ida né tenki akontese. Entaun tenki onestu no husu diretamente . Husu ho laran maus laos deit konaba matenek diplomatika ou matenek logika nian deit, ou ita koalia liafuan barak hodi taka falta deit ka hodi subar saida mak ita lolos tenki koalia. Labele halo ida ne. Tetu saida mak presija hodi koalia ho klaru no labele ho motivasaun nebe sala, ita presija loke momos no tomak iha sira nia oin. Se ita hadomi sira, hatete momos no direitamente ba sira saida mak halo ita konfuzaun no presija hadia.

Maibe liafuan ida hodi tau atensaun ne mak: labele uza liafuan “hadomi”ou “transparensia” sai razaun ka hodi subar fali ita nia atitude nebe gosta julga ema seluk. Realidade nebe tristi mak ema hetan hakilar a’at husi ema seluk, konta at no abuza ho liafuan ho razaun dehan tamba hau hadomi o. Labele hasai o nia hanoin julgamentu nian ba ema ida ho razaun o hakarak deit onestu. Laiha ema ida mak hetan kualifikasaun hodi hasiak ka julga ema seluk molok ita rasik mos halo refleksaun didiak ba ita nia motivasaun tamba sa ita halo ida né, tamba motivasaun sira nebe iha umanus mak sei motiva ita nia konsiensia no hanoin. Ita tenki sempre husu klarifikasaun ho ema ne ho respeitu laos ho ita nia isin nia forsa. Ita tenki konfrontu ka husu klarifilasaun direitamente, maibe ho laran maus, no sempre iha deseju hodi lori rezultadu nebe mak terbaik iha ema né nia láran nebe Maromak tau ona iha nia moris. Sai lolos hanesan Kristu mak wainhira ita konfrontu liu husi matan ben duke ho lian makas no hirus. Pontu importante liu buat hotu-hotu mos mak, ema nebe rona labele iha konfuzaun ba o nia domin no laran luak ba sira, sira hatene no fiar metin katak o hadomi sira.

Domin nebe puro ou mo’os dehan, ‘Hau iha buat ruma hodi dehan ba o. Hau hatene ne la fasil ba o no hau, maibe hau ondra tebes ita nia relasaun hodi fo sai ida ne direitamente ba o. Hau preokupa ho o, hau seriu duni ba ita nia relasaun, no hau hakarak o sai diak liu tan duni ba o nia an no ba ita nia relasaun.’

Hahan klamar: Efesus 4:17-6:24, João 2:12-25, Salmo 89:1-14, Provérbiu 23:10-14