Bele dehan, hanesan hau mate tiha ona iha krus hamutuk ho Kristu…’ Galásia 2:20

Wainhira ita senti buat ruma ataka ita, ita nia proteje an komesa sai momos. Ita ema nebe funu Nain! Maibe ida ne kriaw problema ida, tamba Paulo dehan, ‘Hau mate ona iha krus hamutuk ho Kristu. Agora laos hau mak moris tan maibe Kristu moris iha hau.’ Karik o nia objetivu primeiru mak proteje ou preserva o nia an, o laiha liberdade hodi foti desijaun nebe los. O sei nafatin halo buat ruma bazeia ba o senti diak, no saida mak ema seluk simu, duke ida nebe mak Maromak hakarak o atu halo. O sei koalia barak konaba oinsa bele fiel, maibe koalia oituan deit oinsa bele fo fuan. Ita so bele fo fuan, se ita prontu mate ba ita nia an: ‘…se batar musan ne la monu ba rai no mate (mate ba an), nia nafatin batar ne musan ida nafatin, maibe se nia mate, nia fo fuan barak.’ (João 12:24)

Sira nebe buka hodi preserva sira nia moris iha bíblia laran hakerek sira rende ba saida mak saida mak terbaik husi Maromak hodi buka deit sira nia interese rasik duke Maromak nian. Hanesan Lot nebe la konsidera Abrão, Lot hili fatin tetuk nebe iha be barak, no lakon nia familia. (Jenesis 13:10-11)

Mane klosan ida nebe riku mos sei bele sai Jesus nia eskolante ida maibe nia iha buat barak liu nebe nia lakoi atu lakon ( Markus 10:22). Dalabrak, wainhira ita komesa iha barak, ita kumu metin liu tan. Jesus dehan, ‘Tanba see mak hakarak salva nia aan, nia sei lakon fali. I see mak lakon(investe) nia moris tanba nia tuir Hau, nia sei hetan moris rohan-laek.’ (Lucas 9:24) Paulo hakerek, ‘Hau konsidera hau nia moris né lá folin buat ida, importante mak hau halo tuir Nai nia hakarak i halo remata servisu nebe Nai Jesus fo ona mai hau..’ ( Atos 20;24).
So fatin ida nebe seguru liu hotu nemak moris iha Maromak nia hakarak. (VZC)

Hahan ba klamar: Lukas 1:26-38, Lukas 2:25-35, Lukas 2:41-51, Atos 1:13-14