‘…rona ho atensaun (rona no konsidera didiak) saida mak o rona…’ Lukas 8:18

Atu sai ema nebe rona diak, o tenki koko hodi rona HO maneira nebe ativu.

Primeiru, fo atensaun tomak. Laiha ema ida mak hakarak koalia ba paredi, nune halo sumario, klarifika no fo feedback fila fali. Repete fila fali saida mak sira koalia ona ho o nia liafuan rasik hodi ajuda o komprende diak liu tan. Klarifika liu husi  husu pergunta to o komprende didiak saida mak ema ne nia hakarak duni. Feedback mak fahe o nia hanoin no sentimentu rasik iha dalan nebe los laos hodi julga.

Segundu,  rona ho fuan no sentimentu hodi  komprende saida mak ema ne senti. O bele lá gosta saída mak sira koalia hela maibe dalabarak se ita rona barak liu tan o foin hatene se o iha sira nia fatin, o mos bele sei senti saída mak sira senti mos. ‘Se iha ema ruma laran kontenti, kontenti hamutuk ho sira baa. I se iha ema ruma tanis tanba tristi, tanis hamutuk ho sira baa.’ (Roma 12:15)

Terseiru, koko rona ho fuan nakloke. Ema nebe rona buka hili-hilii, rona hodi defende ka buka tuir ita nia hakarak, né laos rona HO fuan nebe nakloke. Rona hanesan o mak esplora no ema ne mak hanesan husi ilha husi nasaun seluk ida; sira nia kostume, fiar no hanoin diferente husi ita nia nian no ita koko hodi komprende sira nian.

Ikus liu, rona ho kuidadu. Saida mak sira koalia bazeia ba faktus? Sira konsistensia kalae? Karik o rona ativu duni, ho kompaisaun no ho fuan nakloke, no nafatin la komprende sira nia hakarak, o la presija ataka Ka foti aksaun kedas. Hein, no buka tan informasaun seluk! Husu, ‘o bele koalia tan parte seluk konaba ida né?’ ou ‘O bele fo tan ezemplu espisifiku?’ ou o bele dehan, ‘Obrigada ba hatete ona hau o nia perspektivu.’ Ou, ‘Ne interessante, hau………………. Ou, ‘Saida mak o koalia balu los duni. Konta sai tan.’ Jesus rona. No arte hodi rona mak Kristu nia moris skill nebe o mos tenki dezenvolve! (VNZ)

Hahan ba Klamar : 1 Samuel 24-26 , Joao 1:29-42 , Salmu 131 ,  Prob  23:1-3