‘…. ita hamrik iha grasa, no …husi terus ita aprende aguenta.’ Roma 5:2-3

Iha buat rua nebe importante iha o nia lao ho Maromak : terus nebe rezulta buat ruma ba o; no grasa nebe haforsa o hodi hamrik wainhira o liu situasaun saida deit. O halo ona orasaun atu sai ema nebe pasiensia? Prepara ba terus; laiha dalan seluk ba ida né!

Pasensia so bele dezenvolve iha rai nebe defisil. Faktus mak ne, Ema sira nebé agora o labele hasoru agora mak sira nebe treinu o nia maturidade espiritual hodi  to iha o nia destinu. Maromak dehan, ‘Moab mak Hau nia basia…’ (Salmo 60:8) Povu Moab mak Israel sira nia vizinho nebe sempre hasusar sira no halo sira atu bulak. Maibe ema sira ne mos bele halo ita besik liu tan Maromak! Entaun, se mak halo ita nia at sai husi ita nia laran? Se mak dudu ita hodi hakneak? Se mak dezafia o nia fiar? Saida mak dezenvolve ou dezafia ita nia karakter? Problema mak, ita halo orasaun ba buat ruma Maibe Maromak iha Ninia prosesu; wainhira ita komesa konese Nia diak liu tan ita komesa rekonese ida ne”e.

Lalaok mak hanesan ne: ita husu Maromak fo ita forsa no Nia fo lisensa ita hodi liu husi funu hirak ne hodi dezenvolve o. Ita husu Nia fo matenek no ita hasoru no tenki rezolve situasaun nebe sabraut nebe la mai ho solusaun nebe fasil. Ita husu Nia fo susesu no Nia fo ita abilidade hodi servisu no matenek hodi produs. Ita husu Nia fo unsaun no ita hetan responsabilidade. ( Maibe ita hakarak halai husi ne.) Iha servisu ida nebe halao hela iha ita nia laran maibe ita seidauk alerta ho ida ne. Karik ita nia matan seidauk nakloke momos, maibe lá ho ida ne ita sei lá hetan kualifikasaun hodi realiza saída mak Maromak intende ba ita. (VNZ)

Hahan ba Klamar : 1 Samuel 16-17 , Lucas 24:45-53 , Salmu 63 , Prob 22 : 17-23