‘…Nai fo bensa ona hau ba o nia diak.  ( Jenesis 30:27)

Iha prinsipiu Ida iha biblia laran nebe ita presija hatene se ita hakarak enjoy Maromak Ninia diak mai iha ita nia moris : bensaun mai husi asosiasaun! Biblia dehan, ‘Nia nebee lao ho ema matanek klean sei hetan mos matenek klean…’ (Provérbio 13:20) Istoria Israel tama ba rai prometidu hanorin ita katak ita bele hamutuk ho ema hanesan Joshua no Kaleb no tama ba laran no menan, ou ita bele ransu ho sira nain 10 nebe hafuhu rai maibe la fiar katak sira sei menan no mate iha rai fuik. Wainhira Jose tama iha Potifar nia uma, nia lori bensaun Boot hamutuk ho nia. Wainhira nia tama iha Faraó nia palaciu, nasaun tomak hetan prosperu. Wainhira Jakó hakarak fila fali ba nia uma no familia sira, Labão nudar nia banin mane dehan, ‘favor hela Lai… tamba hau hatene husi hau nia esperensia katak Nai haraik bensa ona mai hau tamba ita.’

Igreja Filipi iha parseiru ho Paulo iha tinan barak nia laran haklaken evangelhu. Sira suporta nia ho finanseiru no nia halo ministeriu ba sira spiritualmente. Nia hakerek, ‘ Hau sempre agradese ba Nai Maromak bainhira hau hanoin imi.  Hau sempre halo orasaun ba imi ho laran haksolok, tanba hosi loron primeiru imi simu Maromak nia Liafuan Diak too agora, imi ajuda hau hodi foo sai Liafuan Diak nee.’ (Filipi 1:3-5) No saida mak sira nia premiu? Paulo dehan, ‘…imi hotu hola parte ho Maromak nia graça iha hau.’ (Filipi 1:7) Liafuan ‘graça’ nia signifikadu simples mak ‘buat hotu iha Maromak mak buat hotu nebe ita presija, iha situasaun saida deit nebe ita sei hasoru’. Furak tebes! Paulo simu no komprende husi Jesus, no ema Filipi sira simu fali husi Paul.

Aprende hodi rekonese ema nebe lao iha Maromak nia bensaun no besik liu tan sira wainhira ita sei bele. Bensaun mai husi asosiasaun (VNZ)

Hahan ba Klamar : 1 Samuel 11-13 , Lucas 24:25-35,  Salmu 60,  Prob 22:7-11