‘…Nia guia ema nebe haraik aan iha dalan nebee loos…’ (Salmu 25:9)

Ita rona kalae konaba feto idozu ida nebee mak buka osan hodi sustenta sira nia aan ho faan sasan iha dalan ninin? Loron-loron bainhira nia too iha kruzamentu (perempatan) nia sei soe ai pedasu ida ba ar ou ba leten. Ida nebee deit mak ai pedasu nee hatudu ba diresaun saida deit wainhira ai nee tun ida nee mak maneira nia baa. Iha loron ida mane ida haree nia soe hela ai pedasu nee: dala ida, dala rua, no dala tolu. Mane nee husu, saida mak o halo? Feto hataan, ‘Hau husu Maromak atu hatudu dalan nebee mak hau atu baa iu husi ai pedasu nee.’ Haree ba nia kuriozidade, mane nee dehan, ‘Maibe tamba saida ita soe ai nee ba leten dala tolu?’ Feto hataan, ‘Tamba dala rua primeiru nee nia hatudu diresaun nebee mak sala!

Wainhira ita la gosta diresaun nebee Maromak foo ba ita, ita halo orasaun ka, espera katak Nia sei muda nia hanoin no foo hatene ita konaba saida mak ita harakak rona? Karik nunee, ita sei la muda ita nia hakark ba Nia! Jesus hatete, ‘Hau hanesan ai uvas huun ida, imi mak nia sanak…’ (Joao 15:5) So deit konekta ho Kristu maka ita sei foo fuan. Hanesan moris nebee sulin husi uvas nia huun ba nia sanak sira, hanesan mos Maromak nia poder sei sulin ba ita nia moris, depois li husi ita no komesa foo influensia ka afeta ba area seluk husi ita nia moris.

Salmista hatete, ‘Nai hatudu justisa ba ema laran maus, no Nia hanorin sira konaba Ninia dalan.’ Maromak sei hatudu ba ita sai mak ‘Loos’ karik ita buka Nia. Esensial li mak, nee so iha dalan rua deit- Nai nian no ita nian!

Karik ita senti kolen halo buat sira nee tuir ita nia dalan, haruuk no hakneak no husu Nia hodi hatudu ba ita oinsa atu halo buat sira nee hotu tuir Nai nia dalan.(SFL)

Hahan ba klamar: Kanta Salomao 5-8, Lukas 23:39 -49, Salmu 91, Proverbiu 21:28-31