‘…Hau halai taru too nia rohan…’ (2 Timoteo 4:7)

Hau Remata ona hau nia kompetisaun
Atu remata ho makaas, ita presija kumpriende buat tolu.
1. Ema sei husik ita. ida ne’e dalaruma tamba ita boot krese makaas liu sira, ka realiza sira nia vizaun rasik, ou dala ruma mos tamba sira lakho atu ba fatin ne’ebe Maromak lori ita ba. Ema husik Jesus:……Disiplu barak mak fila kotuk ba Jesus no la lao hamutuk tan ho Nia. (Jhon 6:66)
2. Dezafiu sei mai. Ema hotu ne’ebe Nai Maromak uza, sempre hasoru dezafiu husi ida ba ida. Apostulo Paulo hakerek,……. Nune’e, iha buat saida deit, ami sempre hatudu katak ami ne’e Maromak nia atan ne’ebe di’ak. Ami hetan terus no susar, i hasoru problema oioin, maibe ami aguenta ho pasiensia nafatin. Ema baku tasak ami, dadur ami iha komarka, i ema rame-rame ataka ami. Ami servisu to’o kosar metan sulu, ami kalan la toba, dala barak hamlaha……….., Maromak nia kbiit servisu iha ami…….., ami laran triste, maibe haksolok nafatin. Ami kiak, maibe halo ema barak sai riku, ami buat ida la iha, maibe ami iha buat hotu-hotu. (2 Korintu 6:4-10)
3. Diabu sei ataka ita. Bainhira nia halo, hanoin ba katak, hetan atak ne’e sinal respeitu. Ida ne’e hodi fo hatene katak, ita boot importante tebes ba Maromak. Ida ne’e mos hatudu ita nia nivel bensaun ne’ebe hein hela ita iha ataka ne’e nia oin. Diabu sei ataka ita bainhira Nai Maromak hakarak halo buat ruma ne’ebe fura akontese iha ita nia moris. Ida ne’e bele dehan hanesan relasionamentu, kareira, ministeiru, ka sai Nai Maromak nia oan ne’e Nia hakarak uza. Ita nia difikuldade hanesan labarik, bele dehan hanesan destinu labarik, tamba ne’e sempre hasoru difikuldade barak liu duke labarik sira seluk. Inimigu sei rekonhese ita ba servisu importante ne’ebe iha ita.

Bainhira ataka ne’e mai, hamriik iha Maromak nia liafuan no hatete, Obrigadu ba Maromak, ne’ebe fo vitoria ba ami liu husi Nai Jesus Kristu.’ (1 Korintu 15:57) (SFL)

Hahan ba klamar: Kanta Salomao 1-4, Lukas 23:32-38, Salmu 13, Proverbiu 21:22-27