‘…Wainhira nia arepende…’ (Lukas 15:17)

Ita iha fuan nebee lakon ka? Parabolas konaba oan nebee lakon hanorin ita katak rona ba Nai Maromak sei halo ita dook husi tragedia; katak moris iha Nai nia regulamentu no orden nia okos sei salva ita husi tendensia mata dalan/guia nebee lalos.
Jesus hatete, ‘Senhor ida nebee iha oan mane nain rua. Oan mane kiik dehan… “Apaa nia riku saoin sira nee, fahe on ahau nian mai”…La kleur, oan mane kiik nee faan tiha hotu rikusoin nebee nia hetan nee hodi ba rai dook. Iha nebaa nia gasta osan arbiru hodi moris goza hela deit. Too ikus nia osan hotu ona. Iha tempu nebaa, rai nee hamlaha boot, I nia mos susar. Entaun nia baa buka servisu. Ema rai nain ida simu nia I haruka nia ba hein fahi. Nia hamlaha atu mate, too nia haree fahi nia hahan, nia kaan teb-tebes. Maibee la iha ema mak foo netik hahan ba nia (Lukas 15:11-16) Wainhira Maromak dehan lae, rona ba Nia. Waihira Nia dada fila fali ita, foo obrigadu ba Nia. Ida nee diak ba ita hodi mesak no lao hamutuk ho Maromak duke haleu ita nia aan ho ema nebee halo ita laran moras. Buat hotu sei la lao diak too ita rasik hahuu halo buat ida tuir Nai Maromak nia dalan! Ita hakarak atu arepende no fila fali baa uma ka? Iha parabolas tolu back-to-back iha evangelho Lukas 15, Jeusu hatudu bai ta katak iha bibi atan ida baa hodi buka nia bibi nebee lakon, feto ida buka nia osan nebe lakon, maibe laiha ema ida nebee mak baa buka oan nebee lakon. Ida nee tamba nia hatene dalan fila nian. No ida nee akontese wainhira ‘nia arepende’.

Ema nebee nunka tuir orden nia husik uma hodi dehan, ‘Foo mai hau’, haraik ninia aan no fila ba uma hodi dehan, ‘Perdua hau.’ Wainhira nia halo ida nee, nia aman hakuak nia no dehan, ‘Ida nee hau nia oan…Lakono no hetan fali…’(Lukas 15:24) Agora ita nia Aman iha lalehan hein hela ita hodi foo benvindo mai ita iha Ninia uma. (SFL)

Hahan ba klamar :2 Korintu 5-8, Lukas 23:1-12, Salmu 34, Proverbiu 21:14-16