‘…Hanesan laloran nebee baku baa-maibainhira anin boot…’ (Tiagu 1:6)

Iha tan buat rua konaba estabilidade moris
(1)Submisaun, ho ita nia ego ita hakarak ‘halo tuir ita nia dalan’ ba ita nia propojitu no ita nia haksolok rasik. Rezultadu mak attitude nebee makaas- rezistensia nebee mak perigu ba Maromak.Ho nunee Nia liafuan hatete, ‘…foo hanoin ba malu loron-loron…para imi labele monu ba sala hodi tuir kontra fali bosok I kontra Maromak.’ (Ebreu 3:13) Hanesan tahu nebee mak iha loro manas nia okos, ita nia hakarak neneik-neneik sai tos, destroi ita nia sensividade spiritual. Espiritu nia influensia sei la giriji ou muda tan ita; ita husik ho sentimentu satisfaz no justifika ita nia aan ho buat nebee husi ita nian rasik- ida nee hotu ba ita nia estragus deit. Nee la sala atu hili ita nia hakarak rasik, Maromak sei la ‘kura’ ou ‘husik’ ita husi buat sira nee. Maibe Nia intensaun ita apar ita nia hakarak ho Nai nia hakarak. Ema nebee halai taru kuda nia tenki iha hakarak rasik atu nunee hodi menan, maibe nia hakarak nee tenki submete ba ema nebee kaer kuda nia diresaun se lae imposivel hodi menan. ‘Sakrifisiu ba Maromak mak espiritu ida nebee rahun, no O sei la hakribi fuan laran ida nebee rahun no haraik aan.’ (Salmu 51:17)
(2)Sakrifisiu-rasik. Mundu filisofia nee ‘Hetan no mantein sai mak o bele!’ Iha buat balun nebee sabotage ita nia paz no estabilidade hanesan filosofia. ‘Kuidadu ita nia aan’ ida nee laos reinu ida nia prinsipiu. ‘Tamba see mak hakarak salva nia aan, nia sei lakon nia moris. I see mak lakon nia moris tamba tuir Hau, nia sei hetan moris rohan-laek.’ (Mateus 16:25) Pisikolojiku ida hatete katak atu hetan buat ida, no atu kaer metin buat ida no ema halo ita laran taridu, posesivu, kontrola no difisil atu moris ho ida nee! Tamba ida nee Jesus hatete, ‘See mak hakarak salva nia aan, nia sei lakon nia moris. I see mak lakon nia moris, nia sei hetan moris rohan-laek.’ (Lukas 17:33) Ita koko tiha ona buat sira nee- agora koko atu foo O nia aan tomak ba Maromak! (SFL)

Hahan ba klamar :Mateus 17:1-9, Joao 19:25-27, Apokalipse 1:1-11