Halo orasaun…ba ema nebee iha autoridade…’ 1 Tomotiu 2:2

Biblia hatete, ‘Lia loos sei hasae nasaun ida…’ (Proverbiu 14:34) Iha Testamentu Tuan, Abraun reprezenta Sodoma hodi intersede Maromak (Genesis 18:20-23). Moises hamriik entre Nai Maromak ho povu Israel, no salva husi destruisaun ka kastigu Maromak nian (Exodu 32:11-14). Wainhira Akan halo sala ka monu ba sala, Josue ho ema sira seluk taka rabat ba rai hodi husu perdaun ba Maromak kona ba kazu ida nee (Josue 7:6-9). Ita moris iha tempu nebee ke ema ladun respeita ba iha autoridade sira, nee fasil tebe-tebes ba ita hodi kontribui ita nia lian ba ema nebee gosta complain. Mesmu ita la foo votu ba ema nebee iha poder, Biblia hatete, ‘Halo orasaun ba ema boot no…ema nebee iha autoridade. ‘Tamba saida? Tamba ida nee ‘Halo Maromak kontente’; ida nee simples los!

Husu Nia atu foo ba ita nia lideransa buat tolu (3) nee.
1) Humilidade/haraik aan: ‘…humilidade mai uluk ondra.’ (Proverbiu 15:33) Jesus, mak lider nebee diak tebes iha tempu tomak, ‘…husik buat hotu-hotu nebee previlejiu [no]…haraik aan no moris hanesan atan…(Filipe 2:7) Lideransa nebee servi nee makaas tebes; nee signifika ita hatene ita nia limitasaun no ita haree ba Maromak hodi guia no dirije ita.

2) Sabedoria. Salomaun hatete, ‘… hamtauk Nai Maromak mai uluk sabedoria…’ (Proverbiu 15:33), no Tiagu aumenta tan, ‘se imi presija sabedoria, husu… ba Nai, maka Nia sei foo bai ta…’(Tiagu 1:5) Duke halo deit orasaun ba ita nia kresimentu agenda politika, husu ba Nai atu foo ba ita nia lideransa sira saida mak sira presija atu sira bele foti desijaun ida nebee mak diak.

3) Berani/koragen. David hatete, ‘Hein Nai; koragen nafatin, no Nia sei hametin ita nia fuan…’ (Salmu 27:14) Iha situasaun global hodi hasoru terrorismu, funu, problema finanseiru no klima nebee hatauk, halo orasaun husu Nai Maromak atu nunee Nai foo forsa karakter ba ita nia lideransa sira hodi nunee sira bele halo buat nebee loos, laos buat nebee popular. (SFL)

Hahan ba klamar : Ezekiel 5-9, Lukas 19:41-48, Salmu 142, Proverbiu 19:21-23