‘…Fuan Nebee mos…Sei Haree Maromak.’
Mateus 5:8

Iha tabernakulu iha basia boot ida ho bee nebee prepara ba Saserdote sira hodi fase liman no ain molok sira tama baa tenda ou hakbesik ba altar hodi oferese sakrifisiu ruma… atu nunee sira labele mate. (Exodu 30:18-21)

Kantores hakerek,… Se mak bele hamriik iha Nai nia fatin Santu? Ema nebee iha liman moos no fuan nebee moos…Nia sei hetan bensaun husi Nai …(Salmu 24:3-5) Bensaun Nai nian depende ba ema nia kondisaun fuan. Nee signifika katak ita labele sai sala? Lae, nee signifika ita tenki konsiente ka arepende husi ita nia sala hodi bele lao tuir dalan loos. Tamba Jesus hatete, ‘ Ksolok ba ema nebee laran moos, sira sei hetan bensaun tamba sira sei haree Maromak.’

Nia problema laos tamba Nai laiha abilidade hodi haree, maibe ita mak laiha abilidade hodi haree Nia. Iha David nia orasaun, ‘Kria fuan nebee moos iha hau…’ (Salmu 51:10) Liafuan Puru nee mai husi liafuan Gegu katharos, nebee signifika ‘atu hamoos’. Wainhira ita rona barak no haree barak, ita presija iha Espiritual katarsis. Ema nebee mak iha fuan moos mak bele komprende Nai Maromak nia hakarak no Nai nia dalan. Pekadu nebe la rekonhese, la konfesa sai , la foo perdaun sei blokeia ita nia espiritu atu Krese ou moris. Fuan nebee mak la moos sei halo ita buka matenek husi ema nebee mak besik ita ka haleu ita duke ita buka Maromak nia hakarak ou dalan. Ida nee sei halo ita presija hela orasaun husi ema seluk duke ita mak halom orasaun ba ema seluk. Labele lori fila fali saida mak Maromak hakarak ita atu soe. Soe ‘…todan hotu no mos ba pekadu nebee fasil hodi kesi ita…’ (Hebreu 12:1) Saida mak Maromak hakarak hatudu ita mak merese atu hamoos. (SFL)

Hahan ba klamar : Amos 5:18- 9:15, Lukas 19:11-27, Salmu103:13-22, Proverbiu 19:17