Hau fiar katak, hau sei hare buat diak husi Nai, iha rai nebe ema sei moris hela (Salmu 27:13)

Iha desportu, team nebe ita hasoru ou luta konserteza sira sei hili jogador nebe diak, no iha serteza katak ema nebe asiste I sira sei hare ou asiste bebeik. Tan nune buat nebe ita sente no koko agora nee bele mos sai indikasaun ida ba Nai Maromak. Apostolu Paulo hakerek hanesan nee “ Hau sempre lao husi fatin id aba fatin seluk. Iha buat oin-oin maka amiasa hau. Mota boot atu lori hau. Ema hadau hau nia sasan. Hau nia maluk Judeu rasik halo aat hau, nunee mos ema laos Judeu. Hau atu mate sal-sala iha sidade laran,iha rai fuik, ho mos iha tasi laran. Too ema nebe finji sai hau nia maluk sarani mos ameasa hau.. hau servisu makaas lahatene kole. Dala barak kalan hau la toba, laiha hahan I hamlaha nomos hamrook, hau aguenta malirin tamba laiha hena. Laos nee deit, maibe lor-loron hau senti todan tamba preukupa sarani sira iha nebe-nebee deit” (2 Korintu 11:26-28). Oinsa Paulo bele hasoru esperiensia ida nee? Maka liu husi ‘Nia haluha ninia pasadu no hein buat nebe diak iha futuru’(Filipi 3:13).

Agora, Paulo nia lahaluha saida deit maka akontese iha nia, nia bele hanoin kona ba naran,fatin,ema nia oin no nia hakerek buat sira nee. Maibe diferencia maka nee: Paulo rejeita buat nebe nia hanoin sira hodi atrapalha ninia vizaun ba oin. Ida nee maka attitude nebe ita presica. Bainhira ita nia hakarak hodi hakaat ba oin makaas liu duke ita nia pasadu ida nee hatudu ita hahu moris fila fali ho diak. “Bainhira Vizaun laiha, nune povu sei lakon” (Probervius 29:18). Kuando too tempu ita iha vizaun ba loron aban. Ida nee hatudu katak ita hakaas iha iha loron horseik no ohin. Nee hatudu realidade katak Nai Maromak funda hela deseja makaas liu husi Espiritu Santu katak ita nia loron aban sei sai diak! Tan nune hamrik no hananu ho salmista dehan “Hau sei fiar ida nee: Hau sei hare Nai Maromak Nia diak bah au iha rai ida nee” (RG)

Hahan ba klamar: Gal 1 – 3, Lucas 17:20 – 37, Salmu 119:145 – 160, Pro 19:1 – 2