“Depois sira prepara hahan para Jesus bah an kalan hamutuk ho sira, Marta maka servi iha meza. Lazaru tur ho Jesus iha meza“ (Joao 12:2)

Depois de Jesus halo Lazaru moris fila fali husi mate, ita lee hetan katak “Sira prepara han kalan hamutuk ho Nai Jesus”(Joao 12:2). Marta servi, Maria mos iha neba, I Lazaru koalia ho bainaka sira. Tan nune, iha fatin ho Jesus nee iha mos ema oin-oin. Mari ita hare klaru didiak kona ba Marta. Dala barak liu Marta iha kotuk ho lulun nia faru liman hodi halo servisu, para nia prepara hahan bae ma hotu tenke han. Maria dala barak liu haluha iha osan ka ou iha buat ruma kona ba selu hahan nebe ema tein. Dala barak liu sira hanoin kona deit ba hanoin lalehan nian, sira la uja buat mundu nian. Sira mos tenke hanoin katak servi ou prepara hahan iha kotuk mos sai hanesan servi ba Nai Jesus mos. Maibe ita mos presica hanesan Maria, nebe lori animasaun ba ita hodi servi ou kultu nebe sempre hili sira hodi halo orasaun I sejum ba Nai Maromak orasaun kona bae ma hotu hotu. Sira barak nadodon hodi hare Jesus nebe halo ema moris fali tamba liu husi Nia ema barak fiar ba Jesus (Joao 12:9-11). Lazaru iha istoria ida nebe kee admiravel tebes nune ema nebe rona istoria kona ba Lazaru moris fali nee sira arepende no simu Jesus. Lazaru nia istoria fo hanoin ba ita katak ita ida-idak iha istoria hodi fahe bae ma seluk kona ba Maromak Nia graca ba ita. Tempu ikus liu saida maka imi fahe ba sira?

Tan nune, se karik ita maka Marta, Maromak hare ita nia hadomi ba ita nia servisu hodi servi. Maibe karik ita mos hanesan Maria, Nai Maromak gosta hare ita besik Nia. Maibe se karik ita sai hanesan Lazaru, Nia promete hodi respeitu ita nia istoria ou sasin. Tan nune ita hola parte iha meza neba. (RG)

Hahan ba klamar: Juiz 4 – 6, Lucas 15:1 – 10, Salmu 119:97 – 104, Pro 18:9