Batina nee ema la suku, tomak husi leten ba kraik (Joao 19:23)

Biblia la koalia barak kona ba saida maka Jesus uja ou hatais so buat ida nebe maka importante liu. Joao hateten mai ita katak iha Kalvario “ ema sira foti Jesus Nia batina nebe la hare hetan suku ruma nebe so sai tomak husi leten ba kraik (Joao 19:23). Ida nee buat tradisional ba ina judeu sira nebe halo batina sai hanesan presente ba sira nia oan sira nebe komesa sai ona husi uma. Tan nune ita la hatene sera kee Maria maka halo Jesus Nia batina ou ropa ida nee, ita hanoin dala ruma ida nee folin karun tebes. Ida nee mos importante tebes tamba kona ba roupa nebe hakerek iha Biblia nakonu ho hahalok no karakter. Pedro hakerek kona ba “Maibe tenke haraik aan ba malu” (Pedro 5:5) Apostolu Paulo hateten “Uja ba  hanesan hatais nebe foun” (Galatia 3:27) no liurai David fo hatene mai ita katak ema nebe aat sira sei uja roupa nebe lori malisan (Salmu 109:18). Hanesan mos Nia Batina nebe los nune Nai Jesus Nia karakter mos los nakonu ho integridade no perfeito. Liafuan husi ema nebe soru batina perfeito husi leten ba kraik laiha suku iha klaran fo indikasaun katak Nia Nai Jesus sempre hetan diresaun hanoin husi Nia Aman iha lalehan. Too Nai Jesus hateten “Oan labele halo buat ida so Aman iha lalehan maka bele halo (Joao 5:19)”. Maibe bainhira Jesus ema redi ou prega nia iha kruz nia husik hela Nia batina nebe los nee nebe troka ita nia fatin (Galatia 3:13). Nia mate iha kruz hanesan ema kriminozu ida tamba pekadu ou sala nune niNIa batina nebe kee los nee maka ita uja fali. Para ema sala nain hanesan ita mai iha kruz bele simu sinal domin nebe nakonu ho domin (Isaias 59:17) sintu justiza no los (Isaias 11:5) no ropa salvasaun (Isaias 61:10).

Mai hanoin didiak: Laos deit Jesus prepara fatin iha lalehan ba ita, maibe Nia prepara mos roupa ou hatais ida nebe diak ba ita iha oportunidade neba. (RG)

Hahan ba Klamar: 2 Kor 11:21 – 33, 2 Kor 12:7 – 10, Atus 16:16 – 40, Atus 19:11 – 12