‘Abraun fiar ba Maromak,I nune Maromak simu nia hanesan ema nebee moris los. “ I ema mos dehan, Abraun nee Maromak Nia belun ‘ Tiagu 2:23

Depois nia lakon buat hot-hotu, Jo hateke ba kotuk hodi hanoin hetan no saudades belun ba Maromak ‘sente ida nee iha nia uma, bainhira nia oan sira iha nia sorin no nia saudades iha tempu nebe nia hetan respeito ou ondra (Jo 29:4-7).

Dalaruma ita sente saudades ou hanoin ida nee iha ita nia moris. Ita iha kondisaun hodi hanoin kona ba halo belun nebe lori vantajem natural, maibe atu sai belun ho Maromak ita tenke halo ho valor nebe diak duni. Hanesan ema ida naran Rabecca Barlow Jordan hatudu kona ba ida nee. Nia dehan “ Osan,tempu,la egois, gosta tau matan, fo fiar, no tenke iha sakrifisiu mesmu iha terus. Sira nebe sai belun intimu bele besik malu liu tan nebe bele sente terus no haksolok hamutuk ho ema seluk. Relasaun nebe intimu nebe los maka ita privadu tenke hamate ita nia egois no hodi hare ema seluk no fo importante. Maromak bolu Abraun sai hanesan Nia belun, maibe atu sai belun Abrau tenke sakrifisiu nia aan. Kita bele lee kona ba Abraun sai fiar makaas liu tan ba Nai Maromak (Jenezis 15:6) bainhira Maromak husu Abraun hodi hodi husik hela nia uma no husik hela ninia hanoin kona ba nia aan hodi Nai Maromak haruka nia ba rai ida nebe Abraun la hatene. Bainhira Abraun nia tinan 99, Abraun sei hein Nai Maromak hodi kumpri Maromak Nia diak ba Abraun tuir Nia promesas katak Nai sei fo oan mane id aba Nia hodi simu eransa husi Abraun. Depois bainhira Ishak moris, maibe Maromak koko fali Abraun hodi husu ba nia nudar ‘belun nebe kee diak’ hodi halo sakrifisiu nia nebe kee aas liu, para hodi halo buat ida nebe nakonu ho ejijensia makaas ba Abraun. Ejijensia ida nee ita sei la hetan iha Biblia so uniku iha tempu Abraun. Biblia hateten “Tamba Abraun nia fe, nia sakrifika nia oan Ishak sai sakrifisiu ba Maromak. Mesmu Nai Maromak koalia ona katak liu husi Ishak maka Maromak sei halo jerasaun sai nakonu (Ebreu 11:17-18). Depois husi nee Abraun prepara ona tudik para halo aksaun atu oho Ishak nudar sakrifisiu mesmu nia fuan hanoin dadaun nia oan atu mate. Tan nune Maromak respeitu teb-tebes Abraun ninia Fe no troka fali sakrifisiu seluk maka bibi ida iha aitarak bobar metin. Belun sira, bainhira ita foti desijaun para atu tuir Nai Jesus, ema nebe sempre bolu ita nudar belun diak komesa husik ita, maibe keta haluha ita iha ona Nia nebe sai ona ita nia belun nebe kee sei nunka falha ba ita. Nia maka Nai Maromak. (RG)

Hahan ba klamar: Obadias, Ruth 1, Lucas 14:1 – 14, Salmu 119:73 – 80, Probervius 17:27 – 28.