Bainhira mane nee hare katak nia labele manan Jako, nia book Jako nia kidan ruin fukun, no Jako nia kidun ruin naksalak bainhira sira deut malu hela. (Jenezis 32:25)

Maromak uja ema hanesan Jako koalia kona ba moris espiritual nebe lao ho kadik. Tinan ba tinan luta hasoru ho nia ulun toos, maibe Maromak muda nia ho radikalmente liu husi Nai Maromak Nia poder. Agora sira bele servi ba ema seluk nebe sira nunka kona antes de nee. Maromak mos uja ema hanesan Paulo nebe hateten “Maromak lakoi hau foti aan kona ba buat furak teb-tebes nebe nia hatudu ona mai hau. Tamba nee, Nia husik hau hetan terus todan ida husi santanas. Hau sente hanesan fali aitarak ida nebe sona hela hau nia isin” (2 Korintu 12:7). Bainhira Paulo harohan ba Nai Maromak hodi hases tarak ida nee, maibe Maromak dehan LAE. “ Maibe Nia hatan fali dehan ‘Hau sempre hatudu Hau nia laran diak ba o, nee too ba o. Tamba bainhira o laiha kbiit, iha tempu nee maka hau hatudu mo-mos Hau Nia kbiit iha o. Nee maka hau sempre haksolok koalia kona ba hau nia frakeza, para Kristu Nia kbiit bele hamahon nafatin ba hau” (2 Korintu :12:9).

La duvidas tan, ida nee maka buat ikus nebe Paulo hakarak rona. Komprende kona ba buat nee : Maromak hadomi para hodi uja ema nebe kee lao kadik, ou liu husi situasaun tarak nia laran tamba sira sei la halai ses husi Maromak. Tamba saida? Tamba bainhira sira hetan bensaun sira sei la foti aan hanesan ema seluk nebe sente sira merese simu. Tamba sira mos sente manas oitoan sente prontu hodi kona no buka i hakuak ema seluk liu husi domin. Ohin loron Maromak hakarak buka ema nebe iha fuan hodi husu ba ema seluk “ Oinsa ho ita?”. Depois para took ho tempu nebe naruk hodi rona ema seluk nee nia resposta! Bainhira ema seluk nebe sente sira hakarak domin no tau matan nebe aumenta. Sira hakarak ita iha tempu no besik ba sira ho halo orasaun hamutuk ho tempu nebe kleur. Mesmu saida deit, tamba ida nee mos Maromak hakarak halo mos ba ita. Agora ita mos tenke halo mos ba ema seluk. Sim, ita tenke pasensia hodi hein sira nia fiar ba ita. Tamba sira sente ema seluk trai sira no uja deit sira no rai hela odio ba sira. Maibe ita labele husik sira “Domin nunka falha” (1 Korintu 13:8). Se ita hadomi sira nafatin, nune Nai Maromak sei uja ita hodi lori ba sira kura iha sira nia fuan no fo esperansa ba sira. (RG)

Hahan ba klamar : Deut 30:1 – 32:28, Lucas 12:49 – 59, Salmu 119:49 – 56, Pro 17:18 – 21