Husi hau nia orasaun bele too ba O hanesan oferta insensu ida, no hau nia liman nebe kee foti hanesan sakrifisiu lokraik nian (Mazmur 141:2)

Arka Noe sai hanesan lalatak ita nia igreja agora. Nee laos Ro ida nebe luxu. Ita bele imajina ita bele hela iha ro ida nee durante tinan ida hamutuk ho animal sira no ro ida so iha janela ida deit? Maibe Noe so iha buat rua nebe nia hili maka DOIS ou ANIN BOOT. Relevansi ida nee kona ba saida? Siknifika katak laiha Igreja ida nebe kee perfeitu, komik bainhira ita ba mai buka igreja ida nebe ke perfeitu, keta hamutuk ho selae ita bele estraga igreja perfeitu ida ne! ita hotu gosta koalia kona ba forsa husi igreja iha tempu testamentu foun ida nee. Maibe oinsa ho hasoru problema, sira iha hipokresia. Hanoin hetan Ananias ho Safira? Sira iha skandul kona ba osan (Atus 5), sira mos iha diferensia dutrina nebe atu besik hafahe igreja sai rua (Atus 15). Ananias ho Safira mos iha problema moral, tuir lolos sira mos iha mane ida nebe kee iha rai Korintu nebe toba hamutuk ho nia apa nia kaben (1 Korintu 5).

Tan nune saida maka akontese bainhira iha DOIS nebe kee boot iha ita nia igreja? Primeiro, keta koko hodi habelar liu tan DOIS nee. “Tamba importante liu maka imi tenke hadomi malu ho laran tomak, tamba bainhira ita hadomi malu, ita hatene fo perdaun ba ema seluk. Tamba domin taka sala barak” (1 Pedro 4:8). Segundu, tenke kria rekonsiliasaun. “ Maun alin sira se ema ida monu ba sala, entaun imi nebe kee moris tuir Espiritu Santu nia hakarak, tenke ba koalia didiak ho nia, hodi lori fila fali ba dalan nebe loos. Maibe kuidadu imi nia aan, para labele monu tuir nia” (Galatia 6:1). Terceiru, Halo Orasaun. Keta fuan kiik ou triste kona ba ita nia isin karnal nia hakrak, no labele hola parte iha problema bar-barak, maibe problema halo ita iha maturidade nebe ke diak mos para ita iha parte ida hodi resolve ou solusiona problema. Salmista ida hateten “Husi hau nia orasaun bele too ba O hanesan oferta insensu ida, no hau nia liman nebe kee foti hanesan sakrifisiu lokraik nian” (Mazmur 141:2). Bainhira problema nee mosu iha ita nia igreja ita tenke halo orasaun, no lao tuir Nai Maromak Nia liafuan, no fiar iha Nia sei lori solusaun ba situasaun hanesan nee. (RG)

Hahan ba Klamar: Deut 28 – 29, Lucas 12:35 – 48, salmu 119:41 – 48, Pro 17:17