Maun alin sira, se ema sarani ida monu ona ba sala, entaun imi nebee ke moris tuir Espiritu Santu Nia hakarak, tenke ba koalia didiak ho nia hodi lori nia fila fali ba dalan nebe loos, maibe kuidadu imi nia aan, para labele monu tuir nia (Galatia 6:1)

Tamba sa Restaurasaun tenke presica? Para hodi kontinua sira nia moris. Rona didiak! Se imi lori ema sala nain hodi husik tiha nia dalan SALA I fila fali ba Maromak, entaun imi salva ona ema nee husi mate para nia moris nafatin ho Maromak I Maromak sei hamos nia sala barak nee (Tiago 5:20) Bainhira ema ida nebe kee o hadomi nia halo sala, sira nebee ke sala sentimentu hakarak oho sira nia aan rasik. Se ita preukupa ho sira, ita sei labele hamrik no hare deit. Restaurasaun presica duni hodi kuida kongrekasaun ou povu. Apostolu Paulo hakerek “ Maun alin sira, ami husu para imi fo hanoin ba ema baruk teen sira tenke servisu. Fo aten brani ba sira nebe tauk. Ajuda sira nebe kee fraku. I pasensia ba ema hotu hotu (1 Tesalonika 5:14).

Bainhira hahalok sala ida ita la resolve ho lalais, povu sira seluk sei hirus no sira sai, no ema seluk sei hela ho fuan kanek.Reputasaun Igreja sei sai kanek tamba deit sira nebe halo hahalok aat ou sala no sira nebe lakoi hetan disiplina.
Importante tebes bainhira ita koko haburas Maromak Nia reputasaun. Bainhira Natan koalia ho liurai Davi kona David hahalok aat ou sala hasoru Batseba, Natan hateten ba Davi “Maski nune, tamba liurai nia hahalok nee hatun teb tebes Nai Maromak, maka o nia oan nebe foin moris nee sei mate (2 Samuel 12:14)

Apostolu Paulo hakerek “ Maun alin sira, se ema sarani ida monu ona ba sala, entaun imi nebee ke moris tuir Espiritu Santu Nia hakarak, tenke ba koalia didiak ho nia hodi lori nia fila fali ba dalan nebe loos, maibe kuidadu imi nia aan, para labele monu tuir nia”. Ita tenke hakbesik sira ho maneira nebe kee los! Ita labele hakbesik ba ema ida nebe sala ona bainhira ita mos iha sala hanesan sira. Ita tenke hakbesik sira ho objetivu ho esperansa hodi sira hetan restaurasaun. Ita laos atu sai matan dook maibe ita buka bibi oan nebe lakon. Ida nee ho objetivu lori fali sira ba iha komunhaun hamutuk ho povu seluk, no ita tenke hadook aan ho liafuan Ami santu ona. Ita tenke honestu katak buat hotu tamba Maromak Nia gracas katak ita sei la monu ba sala hanesan. Los ka lae? Fo hatene ema nebe imi responsabilidade katak ita koinese ida nee ho diak. Fo hanoin ba sira katak pekadu saida deit laiha ida ke la hetan perdaun. Iha dalan ida maka fila fali ba dalan saudavel spiritual nian. (RG)

Hahan ba klamar: Atus 12 – 13, Lucas 9:1 – 17, Salmu 65, Proverbius 16:8 – 9