Entaon oinsa ho ita agora? Ita hanesan ema nebe halai taru. Ita nia beiala sira barak teb-tebes sai ona sasin kona ba fiar, i agora sira haleu hela ita hodi asisti. Tamba nee mai ita soe tiha buat todan saida deit maka halo ita halai labele, liu liu ita nia sala nebe kesi metin ita. Mai ita hakaas aan halai nafatin too rohan tuir dalan nebe Maromak hatudu ona mai ita (Ebreu 12 : 1)

Salmista hateten “Labele husik hau toba, hau triste demais too halo orasaun mos labele!(Salmu 77:4) sera ke salmista ida hanesan nee bele akontese ba ita? Se nunee karik, soe tiha buat nebe ke laiha funsaun ona. Tamba buat sira nebe ita hetan, bai-bain ita sei rende. Nia problema maka ita odio husik hela saida maka buat nebe ke ita halo ho diak. Tan nune, mai ita tenke focus halo buat nebee ke los, duke halo buat nebee ke la los nebe halo ita la susesu:

Ba dahuluk, bainhira ita nia situasaun muda, tenke nakloke hodi halo strategia foun. Husik hela buat nebe laiha funsaun ona no fo focus ba ida nebe halo ita susesu. No buat nebe importante liu maka focus ba buat nebe Maromak hakarak ita halo!

Ba daruak, labele husik mudansa hodi estraga ou aleza fali ita. Iha situasaun foun iha primeiro nee dala barak ita ho neneik,joga ho seguru no fo ita nia tempu. Maibe dala barak liu ita monu aat no dook liu. Tan nune book aan ba, ita labele kondus ro ida nebe hela hakmatek! Biblia hateten katak Maromak mak sei fo forsa ba ema nebe fraku no fo forsa ema nebe laiha forsa. (Isaias 40:29) Tan nune, diak liu fiar ba Nai Maromak no ita tenke avansa, dala barak ita tuir ita nia hakarak hodi ita labele avansa no ita labele halo buat ida.

Ba datoluk, Hakbesik ita nia future ho fiar aan. Akontese foin lalais nee halo ita duvida, maibe nudar Maromak nia oan ita bele hateten katak “ Hau bele lata iha kama leten no toba ho hakmatek tamba Ita Nai hamutuk no halo hau deskansa ho seguru (Salmu 4:8) Tuir lolos ita laiha rasaun hodi moris iha situasaun tauk nia laran: tan nune fiar ba Nai Maromak, simu ba realidade nebe ke iha no haksolok ita nia moris loron loron. (RG)

Hahan ba klamar: Jer 51–52, Lucas 7: 11–23, Salmu 118: 10–18, Proverbius 15: 31–32