Elias tauk no nia halai subar aan hodi salva nia moris (1 Reis 19:3)

Biblia hateten katak Izebel haruka mensajem ida ba Elias : “O oho hau nia profeta sira no agora hau sei oho o, nune Elias halai subar aan hodi salva nia moris”(1 Reis 19:1-3)

Dala barak lian tauk mai ba ita bainhira depois ita iha esperiensia boot. Elias tempu sedauk kleur ou foin bolu ahi husi lalehan iha foho Karmelu. Depois Izebel koalia. Izebel la uja kareta no tropas no nia la presica halo ida nee. Izebel nia lian halo intimidasaun ba Elias,no halo Elias depresaun makaas no depresaun mental no nia ba subar.

Buka!se ita rona lian tauk,ita sei tauk ba telephone nia lian,tauk bainhira doutor sira vizita ou tauk bainhira ita nia patraun bolu ita iha nia eskritorio. Nune ita sei rona see? No ba se maka ita fiar? Maromak ou ema? Karik anin,ahi ou dalaruma rai nakdoko buat sira sei la lori Elias sai husi fatuk kuak nee. Nia so rona lian Maromak Nian nebe hakmatek nebe bolu nia (1 Reis 19:11-13).

Ita nia tauk sira nee dala barak lori resultadu buat rua maka: Imajinasaun no desentedimentu. Tauk halo ita hanoin nebe ke sai aat no la halo ita fiar ba Maromak para ita sai diak (2 Korintus 10:5). Sentementu tauk halo ita nia hanoin ba kastigu (1 Joao 4:18). Bainhira iha buat balun ita halo sala ita komesa husu ba ita nia aan “sera ke Maromak sei kastigu hau tamba buat nebe hau halo sala? Lae, sentiment tauk ho Fe ou Fiar mai hamutuk ba ita iha loron loron nebe ita hili hodi ukun iha ita nia moris.

Tan nune, bainhira ita hasoru situasaun nebe resulta sentimentu tauk. Mai halo buat tolu ida nee: (1)Halo orasaun para ita matenek no husu Maromak nia ajuda. (2) Hatudu ou komfesa ita nia fuan nia presica, ita la uniku maibe ita hot-hotu presica hakaas aan hodi hasoru ita nia sentiment tauk. (3) Hamrik iha Nai Maromak Nia liafuan,tamba Nia hateten katak “Hau nunka husik hela o mesak”. (RG)

Hahan ba klamar: Jer 14-17, Lucas 4: 1–13, Salmu 98, Prob 14:34