Nune buka uluk reinu Maromak nian no Nia justisa maka buat sira nebe imi presica,Nai Maromak sei fo ba imi (Mateus 6:33)

Belun doben sira, mai ita lee ou rona atitude sia, no husu ba ita nia aan rasik, ‘Sera ke buat sira nee hare hetan iha hau nia moris loron ohin? sera ke hau iha fuan Espiritual nune hau bele iha responsabilidade nebe ke boot hodi halo Maromak nia reinu boot liu tan?: (1) Ema nebe iha fuan mos no laran diak. Maromak fo bensaun ba ema nebe laran diak, no para hodi julga ema seluk no imi sei la hetan julgadu (Mateus 5:7 ; 7:1) (2) Unidade no Dame hodi hadia relasionamentu nebe aat ona. Nunee, se o ba iha altar atu fo o nia oferta ba Maromak,maibe too iha neba o hanoin hetan ema ruma hirus o tamba o nia hahalok at ba nia,husik lai o nia oferta iha altar oin i ba dame malu lai ho ema nee mak o foin fila mai hodi foo oferta nee ba Maromak (Mateus 5:23-24). (3)Bele Hanorin. Ema nebe rona Hau nia liafuan i halo tuir,nia hanesan ema matenek ida nebe harii nia uma iha fatuk leten (Mateus 7:24) (4) Barani. Rona didiak Hau haruka imi ba hanesan bibi malae ba tama iha asu fuik nia leet. Imi tenke matenek hanesan samea. i imi nia laran moos hanesan manu pombu. Nune lalika tauk ba ema sira nee. tamba buat hotu hotu nebe taka hela loron ida sei nakloke , i buat hot hotu nebe ke subar hela aban bainrua ema sei hatene (Mateus 10:16-26). (5) Haruka ba. See deit maka halo Hau nia Aman lalehan Nia hakarak nia maka sai hau nia maun no alin (Mateus 12:50) (6)Entrega. Se iha imi nia klaran nebe hakarak sai hau nia eskolanti ou tuir hau,nia tenke husi hela nia ambisaun,lori nia kruz no tuir hau (Mateus 16:24) (7) Arepende. i Nia dehan ba sira,”Hau hateten lolos ba imi,see maka atu sai Maromak Nia reinu,nia tenke husik hela nia sala hodi sai hanesan labarik kiik ida nee. Nunee see mak haraik aan hanesan labarik nee nia maka boot liu iha Maromak nia reinu (Mateus 18:3-4) (8) Fuan Haraik aan. Maibe ema nebe foti aan Maromak sei hatuun nia maibe ba ema nebe haraik aan Maromak sei foti nia (Mateus 23:12) (9) Hanoin sai Atan. Maibe iha imi nia klaran tenke iha diferente. Iha imi nia klaran see maka sai lideransa nia tenke sai atan (Mateus 20:26).

Belun doben sira, se ita prontu simu Jesus sai hanesan o nia Nai iha o nia moris,no uja Nia liafuan sai hanesan solusaun ikus iha o nia problema no buka Nia halo nakonu iha ita nia fuan. Nunee ita sei toman ho modelu moris sira hanesan nee.

Hahan ba klamar: Oseas 1–5, Lucas 2: 8–20, Salmo 8, Probervius 14: 9–12