Tamba ema nebee moris tuir dalan nebe Maromak nia Espiritu hatudu ba nia, ema nee maka Maromak nia oan (Roma 8:14)

Moris nee hanesan iha ai laran,i ita fasil bele lakon iha ai laran nee. Ita bele hetan preasaun husi diresaun oin oin para halo ema seluk haksolok. Ita hare ema importante sira iha ita nia moris,no koko hakotuk saida maka sira hakarak husi ita no iha prosesu nia laran ita bele lakon iha ita nia moris ida nee. Ita presica para no husu ” Ba se los maka hau nee tenke moris?tan saida maka hau halo buat nebe maka hau halo? Paulus hakerek hanesan nee “Maromak fo kbiit ba ita ida-ida tuir nia laran diak. Kbiit nebe ita simu nee lahanesan. Ema nebe mak simu kbiit atu fo tutan Maromak nia lian menon, nia tenke koalia tuir liafuan nebe nia fiar katak Maromak fo tiha ona ba nia.(Roma 12:6) Saida maka Maromak bolu no kompleta hodi ita halo? Ema nebe maka sempre hetan susesu maka ema nebe hetan lidera husi Nai Maromak, no sira nunka husik ema seluk maka kontrola sira.

Belun doben sira, Ema nebe maka Espiritu dirige maka ema nee Maromak nia oan. Keta tur ho satiadu tamba ema barak mai julga ita. Ida nee maka ita nia moris, ita tenke iha responsabilidade! Preasaun nebe ke ita senti dadaun agora laos mai husi ema seluk maibe dalaruma mai husi ita nia sentimentu rasik.Sim, dalaruma ita hotu halo buat nebe maka ita la gosta halo. “Ami halo tamba ami hadomi ema seluk, no halo buat nune maka ami hatudu fuan Espiritu nian”(Galatia 5:22). Maibe diferensia husi buat nebe kontroladu husi ita nia sentimentu la seguru ou preasaun ho esisensia husi ema seluk.

Belun doben sira, bainhira ita koko atu sai buat hotu ba ema seluk ita sei lakon iha prosesu ida nee. Aumenta tan bainhira ita moris hein konkorda ou kontrola husi ema seluk nune ita iha ona risku lakon husi Nai Maromak. Tempu too ona para ita komesa halo orasaun ” Nai, saida maka Ita boot hakarak hau halo?”(Atos 9:6). Depois bainhira Maromak hatudu mai ita, nune ita tenke iha komitmentu nakonu ba ita nia an.

SoulFood: 2 Reis 21–23, Lucas 1: 67–80, Salmo 144: 1–8, Probervius 14: 1–4