Ischak hadomi Esau maibe Rabeka hadomi Jaco (Genezis 25:28)

Tan deit favoritus nebe Isak halo mosu kompetisaun entre ninia oan mane nain rua nee. Agora kompetisaun hirak nee sai kompetisaun normal no saudavel no dala barak sai boot liu tan maibe ida nee la hanesan ho kompetisaun entre Esau no Jaco. Tempu maka muda sira nia kompetisaun sai odio malu. Ita komprende los tan saida maka Esau hirus makaas,maibe nia irmaun Jaco laos vitima nebe la sala.

Belun doben sira, tamba Esau nebe hamlaha makaas ou hamlaha nebe extrem liu nune Jaco bosok Esau hodi halo negosiasaun transaksaun hodi troka Esau nia legadu ou warisan ho sopa bikan ida ho finje nafatin sai maun alin. Belun doben sira, Jaco naok bensaun profetizar nebe Esau nian liu husi maneira lori sopa nebe morin ba nia pai (Isak) nebe katuas nebe la hare mos ona.  Husi nebe maka mosu kompetisaun nebe veneno ida nee? sera ke ida nee kona ba oan ida nebe diak no oan ida nebe ke ladiak? Ida nee lalos! ” Isak hadomi Esau”. Esau hetan domin husi Isak nia aman no halo Jaco hirus tebes no saida maka Jaco hakarak maibe Isak nunka abandona. Jaco la hetan domin nebe ke nia presica husi nia aman Isak nune Jaco halo maneira saida deit hodi realiza nia hakarak maka direito sai oan primeiro no mos hodi hetan bensaun.

Belun doben sira, bainhira ita nia oan sira la hetan domin husi ita nune sira sei estraga sira nia an rasik,buka domin husi fatin seluk no buka domin ho maneira oin seluk. Jaco la moris mai sai hanesan labarik ida nebe nakar. Isak nia domin nebe ke failha no nia fo domin favoritu liu ba Esau halo Jaco sente rejeitadu no halo Jaco odio nia maun Esau nebe Jaco hare nia maun Esau hanesan problema boot ida.

Belun doben sira, maibe Esau mos nia la hahu ho sai labarik nakar. Nia ama Rabeka gosta liu Jaco duke Esau no Rabeka ajuda halo planu bosokten hodi naok bensaun. Jaco la hetan domin husi Isak nudar nia aman no Esau la hetan domin husi Rabeka nudar nia inan. Aman no inan ida nee la hela iha visaun ida. Tamba deit iha stikma Favoritus nee halo labarik ida tenke halai ses an no halo  programa oan ida nee moris iha failhansu nia laran. Belun doben sira, aman no inan sira tenke hanoin didiak ho metin oinsa kria relasionamento kona ba oan sira nia moris.

Hahan ba klamar: Apokalipse 10–14, Markus 14: 66–72, Salmo 132: 1–10, Probervius 13: 4–6